ચૌધરી સમાજમાં મહિલા ઉત્ક્રાંતિનો નવો પવન ફૂંકાઇ રહ્યો છે ત્યારે પાટણમાં યાજાયેલા મહિલા કેળવણી સંમેલનમાં નવા વિચારો રખાયા છે. મહિલાઓના હક્કો માટે વાત કરતી બે બહેનોના સંમેલનના વીડિયો સામે આવ્યા છે જેમાં દીકરીઓ માટે સમાજે શું કરવાની જરૂર છે તેની વીડિયોમાં વાત કરવામાં આવી છે. આ ઉપરાંત વિધવાઓ વિશે સમાજ ક્યાં ઉણો ઉતર્યો છે તેની પણ વાત આ વીડિયોમાં કરાઇ છે. જેમાં વિધવા બહેનો વિશે સમાજ સવાલો ન કરે તે માટે પણ લાગણી વ્યક્ત કરવામાં આવી છે. અને જ્યારે દીકરીઓ-વહુઓ ક્યાંય બહાર જાય તો સવાલ નથી કરતા તો વિધવાઓને કેમ સવાલ કરવામાં આવે છે તેને લઇને પણ સંમેલનમાં સવાલ કરવામાં આવ્યો. આ ઉપરાંત ચૌધરી સમાજની દીકરીઓને શિક્ષણ-સંસ્કાર માટે મહિલાઓએ આહવાન કર્યું છે.