કેન્દ્ર સરકારે ચાર નવા લેબર કોડ બનાવ્યા છે અને તેને સંસદમાં પાસ પણ કરાવી લીધા છે. હવે રાજ્યો પોતાના હિસાબે આ કોડને લાગૂ કરશે.
નવા લેબર કોડ લાગૂ થયા બાદ મોટા ફેરફાર જોવા મળશે
મોટા ભાગના રાજ્યોએ તૈયારી કરી લીધી
સેલરીનો આવશે નવો નિયમ
નવો લેબર કોડ લાગૂ થયા બાદ કેટલાય નિયમોમાં ફેરફાર જોવા મળશે. સેલરી, પેન્શન, ઓવરટાઈમ, ગ્રેચ્યુટી, રજાઓ અને ત્યાં સુધી કે ફુલ એન્ડ ફાઈનલ સેટલમેંટ પણ. કેન્દ્ર સરકારે ચાર નવા લેબર કોડ બનાવ્યા છે અને તેને સંસદમાં પાસ પણ કરાવી લીધા છે. હવે રાજ્યો પોતાના હિસાબે આ કોડને લાગૂ કરશે. અમુક રાજ્યોએ પુરી તૈયારી કરી લીધી છે અને અમુક આ પ્રયત્નોમાં છે. નવા લેબર કોડમાં સામેલ વેજ કોડમાં આ બતાવામાં આવ્યું છે કે, કંપની પોતાના કર્મચારીઓને ક્યારે સેલરી આપશે. તેમાં એવું પણ કહેવાયુ છે કે, કર્મચારી કંપની છોડતા અથવા તેને કાઢી નાખતા અને તેના કેટલા દિવસ બાદ ફુલ એન્ડ ફાઈનલ સેટલમેંટ આપવાનું રહેશે. તો આવો જાણીએ વિગતે...
હાલના સમયમાં પેમેન્ટ ઓફ વેઝિઝ એક્ટ 1936 અંતર્ગત કર્મચારીઓની સેલરી અને સેલટમેંટ આપવાની જોગવાઈ છે. તેમાં સેલરી અંતર્ગત તમામ પ્રકારના અલાઉંસ અને બોનસને રાખવામાં આવે છે. નિયમ કહે છે કે, કંપની અને કર્મચારીઓની વચ્ચે એમ્પ્લોયમેંટનું જે ટર્મ હોય છે, તે હિસાબે સેલરીની તારીખ નક્કી થાય છે. જો કંપની 1 તારીખે સેલરીની તારીખ નક્કી કરે છે તો તે જ દિવસે ખાતામાં સેલરી આવશે. કોઈ અન્ય તારીખ નક્કી કરી હોય તો એ તારીખે સેલરી આવશે.પહેલાના નિયમમાં વેઝની લિમિટ 24,000 રૂપિયા રાખવામાં આવી હતી. એટલે કે, તેનાથી નીચેની સેલરી મેળવતા લોકોને સેલરી એમ્પ્લોયમેંટના ટર્મના હિસાબે રાખવામાં આવશે.
સેલરીનો નવો નિયમ
નવા લેબર કોડના વેજ રૂલમાં સેલરીની કોઈ લિમિટ રાખવામાં આવી નથી. અને આ નિયમ દરેક પ્રકારના કર્મચારીઓને લાગૂ થશે. એટલે કે સેલરી ગમે તેટલી હોય, રોજગાર ટર્મ હિસાબે જ કંપની કર્મચારીઓને એક નિર્ધારિત તારીખ પર સેલરી આપશે. આ તારીખ કંપની અને કર્મચારીઓની વચ્ચે ટર્મમાં નિર્ધારિત હશે. જો કે નવી જોઈનિંગવાળા કર્મચારીઓને સેલરી એક ખાસ નિયમ બનાવામાં આવ્યો છે. નવા લેબર કોડ અનુસાર જો કોઈ નવું જોઈનિંગ છે, તો તેની સેલરી આગામી મહિનાની 7 તારીખ સુધી સેટલ થઈ જવી જોઈએ. આ સ્થિતિમાં વેજનો પિરિયડ એક મહિનાથી વધારે હોઈ શકે નહીં. તેનો અર્થ એવો થયો કે, જૂનમાં 5 તારીખે સેલરી મળે છે, તો જૂલાઈમાં 5 સુધીમાં મળી જવી જોઈએ. 6 તારીખે સેલરી થાય છે તો વેજ રૂલનું ઉલ્લંઘન માનવામાં આવશે.
ફુલ એન્ડ ફાઈનલ નિયમ
નોકરી છોડવા અથવા હટાવ્યા બાદ મળનારા ફુલ એન્ડ ફાઈનલ સેટલમેંટની વાત છે તો નવા લેબર કોડમાં તેનો નિયમ બદલવામા આવ્યો છે. હાલમાં વધુમાં વધુ 45 દિવસનો સમય લેવામાં આવ્યો છે, જે દરમિયાન કંપની કર્મચારીને ફુલ એન્ડ ફાઈનલ સેટલમેંટ આપે છે. પણ નવા લેબર કોડ 2019 લાગૂ થયા બાદ બે દિવસની અંદર ફાઈનલ સેટલમેંટ આપવાનું રહેશે. હાલના સમયમાં પેમેન્ટ ઓફ વેજ એક્ટ 1936નો નિયમ ચાલે છે. જે ફાઈનલ સેટલમેંટનો કોઈ જોગવાઈ નક્કી કરી નથી. કંપની એક મહિનાથી લઈને 45 દિવસનો સમય લે છે અને કર્મચારીને ફુલ એન્ડ ફાઈનલ સેટલમેંટ આપે છે.