દેશમાં કોરોના કેસોમાં ઘટાડો થતાં થોડી રાહત તો મળી છે, પણ આ તમામની વચ્ચે વિશ્વ સ્વાસ્થ્ય સંગઠન (WHO) તરફથી એક ચિંતાના સમાચાર આવ્યા છે.
સમગ્ર વિશ્વ માટે ચિંતા જનક સમાચાર
WHOએ આપી આ જાણકારી
ડેલ્ટા અને ઓમિક્રોન મિશ્રિત સ્વરૂપ
દેશમાં કોરોના કેસોમાં ઘટાડો થતાં થોડી રાહત તો મળી છે, પણ આ તમામની વચ્ચે વિશ્વ સ્વાસ્થ્ય સંગઠન (WHO) તરફથી એક ચિંતાના સમાચાર આવ્યા છે. હાલમાં કરવામાં આવેલી એક નવી સ્ટડીમાં જાણવા મળ્યું છે કે, કોરોના વાયરસનો ડેલ્ટા અને ઓમિક્રોન વેરિએન્ટ મળીને એક નવો વાયરસ બની ચુક્યો છે. તેના પુરાવા પણ મળી ચુક્યા છે. હુનું કહેવું છે કે, ડેલ્ટા અને ઓમિક્રોન ઝડપથી ફેલાવાની આશંકા પહેલા પણ વ્યક્ત કરવામાં આવી રહી હતી.
જાન્યુઆરી 2022થી વાયરસ ફેલાવાનું શરૂ થયું
વૈજ્ઞાનિકોનું કહેવુ છે કે, ડેલ્ટા અને ઓમિક્રોનથી બનેલો આ વાયરસ કેટલો ખતરનાક છે, તેને લઈને કેટલીય સ્ટડી ચાલી રહી છે. મીડિયા રિપોર્ટ્સમાં જણાવ્યા અનુસાર ફ્રાંસમાં જાન્યુઆરી 2022માં આ વાયરસ ફેલાવાની શરૂઆત થઈ ચુકી છે.આ અગાઉ પણ કેટલાય વૈજ્ઞાનિકો કહી ચુક્યા છે કે, કોરોના વાયરસના અત્યાર સુધીમાં કેટલાય રૂપ સામે આવશે.
WHOના સાઈંટિસ્ટે આપી જાણકારી
WHOનું કહેવું છે કે, ઓમિક્રોન અને ડેલ્ટાના રિકોમ્બિનેંટ વાયરસ ફેલાવી રહ્યું છે. વૈજ્ઞાનિક મારિયા વાન કરખોવે ટ્વિટ કર્યું છે કે, SARSCov2 ના ઓમિક્રોન અને ડેલ્ટા વેરિએન્ટ મળીને ફેલાવાની આશંકા છે. તેનું સર્કુલેશન ઝડપથી વધી શકે છે. તેમણે એવું પણ લખ્યું છે કે, ટ્રેક કરી રહ્યા છીએ અને તેના પર વાતચીત પણ ચાલી રહી છે.
ડેલ્ટા અને ઓમિક્રોનને ભળતા વાયરસ મળ્યા હોવાના પાક્કા પુરાવા
મારિયાએ વાયરોલોજિસ્ટ jeremy kamil નું ટ્વિટ રિટ્વીટ કર્યું છે. આ ટ્વિટમાં જણાવ્યા અનુસાર ડેલ્ટા- ઓમિક્રોનના ભળતો વાયરસ હોવાના પાક્કા પુરાવા મળ્યા છે. જે જાન્યુઆરી 2022થી ફ્રાંસમાં ફેલાયો છે. સાથે જ આ પ્રોફાઈલના વાયરસ ડેનમાર્ક અને નેધરલેન્ડમાં પણ મળી ચુક્યા છે. જો કે, હુએ એક પ્રેસ કોન્ફ્રેંસમાં કહ્યું કે, હાલમાં આ વાયરસ ઘાતક હોવાના કોઈ ઠોસ પુરાવા મળ્યા નથી.