કોરોના વાયરસ બાદ હવે ચીનમાં નવો વાયરસ ફેલાયો છે. આ વાયરસના કારણે અહીં અત્યારસુધીમાં 7 લોકોના મોત થયા છે તો 60 લોકો બીમાર થઈ ચૂક્યા છે. મળતી માહિતી અનુસાર પૂર્વ ચીનના જિયાંગશૂ અને અનહુઈ પ્રાંતમાં અનેક લોકો બીમાર થઈ રહ્યા છે. આ વાયરસ એક જંતુ ટીક (Tick)ના કરડવાથી ફેલાઈ રહ્યો છે.
ચીનમાં ફેલાયો નવો વાયરસ
ટીક નામક જંતુના કરડવાથી ફેલાય છે આ વાયરસ
અત્યાર સુધીમાં 7 લોકોના થયા મોત, 60 સારવાર હેઠળ
જિયાંગશૂમાં 37 લોકો અને અનહુઈમાં 23 લોકો બીમાર થયા છે. બંને રાજ્યોમાં નવા વાયરસના કારણે અત્યાર સુધીમાં 7 લોકોના મોત થયા છે. આ વાયરસનું નામ છે હુઈયાંગશાન બનયાંગવાયરસ (Huaiyangshan banyangvirus). તેને તમે સામાન્ય રીતે (SFTS) વાયરસ પણ કહી શકો છો. મળતી માહિતી અનુસાર આ જંતુના કરડવાથી જ્યારે વાયરસ માણસોના શરીરને સંક્રમિત કરે છે ત્યારે પીડત વ્યક્તિને તાવ અને ખાંસીની તકલીફ થાય છે. સૌથી મોટી તકલીફ એ રહે છે કે દર્દીના શરીરમાંથી લ્યૂકોસાઈટ એટલે કે બ્લડ પ્લેટલેટ્સ ઘટવા લાગે છે.
ચેપગ્રસ્ત વ્યક્તિ સિવાય પણ અન્ય વ્યક્તિને બીમાર કરે છે આ વાયરસ
SFTS વાયરસ આમ તો નવો નથી પણ ચીનમાં આ સમયે ફેલાવવો એ એક નવી વાત છે. ચીને તેના પૈથોજેનને વર્ષ 2011માં જ અલગ કરી દીધો હતો ડોક્ટર્સનું માનવું છે કે આ વાયરસ માણસોના શરીરમાં ટિક જંતુના કરડવાથી ફેલાય છે. વૈજ્ઞાનિકોએ બુન્યા વાયરસ કેટેગરીમાં તેને રાખ્યો છે. એટલું જ નહીં આ વાયરસ એકવાર માણસને સંક્રમિત કરે છે તો તેનાથી અન્ય વ્યક્તિ પણ બીમાર થઈ શકે છે.
A new type of virus, which is likely to be passed to be infected after bite by ticks, is emerging in China, with more than 60 people infected and at least seven killed. https://t.co/kCTngN2BePpic.twitter.com/0jC3r9LLRO
જેઝીયાંગ યુનિ.ના ડોક્ટર શેંગ જિફાંગ કહે છે કે આ એસએફટીએસ વાયરસ માણસોની મદદથી અન્ય માણસોમાં ફેલાય છે તેને નકારી શકાય તેમ નથી. આ એક દર્દીના મ્યૂક્સ કે લોહીની મદદથી અન્ય સ્વસ્થ વ્યક્તિમાં ફેલાઈ શકે છે.