રસ્તા પર ફરતી ગાડીઓની નંબર પ્લેટ જોઇને આપણે અંદાજો લગાવી લેતા હોઇએ છીએ કે આ કયા રાજ્યની ગાડી છે જેમકે, GJ હોય તો ગુજરાત, DL હોય તે દિલ્હી પરંતુ હવે નવી સિરીઝ BHથી શરૂ થશે.
BH સિરીઝ હેઠળ વાહનોનું રજીસ્ટ્રેશન થશે
અલગ રંગની નંબર પ્લેટ આવશે
બીજા રાજ્યમાં જવા માટે થશે સરળતા
BH સીરિઝનો ફાયદો
આ નવા નિયમ હેઠળ નવા વાહનોને BH સીરિઝમાં રજિસ્ટર્ડ કરાવવાના રહેશે. આ સીરિઝનો સૌથી વધારે ફાયદો એ વાહનના માલિકોને થશે જે નોકરી માટે એક રાજ્યથી બીજા રાજ્યમાં જાય છે. ભારત સીરિઝ હેઠળ રજિસ્ટ્રેશન નંબર લેવાથી તે વાહનોના માલિકોને નવા રાજ્યોમાં જવા પર નવો રજિસ્ટ્રેશન નંબર લેવાની જરુર નહીં રહે અને વાહન માલિક નવી વ્યવસ્થા હેઠળ બીજા રાજ્યોમાં શિફ્ટ થશે તો તે જૂના રજિસ્ટ્રેશનથી પોતાના વાહનોને સરળતાથી રોડ પર ચલાવી શકશે.
BH Vehicle Series માટે કોણ કરી શકશે અપ્લાય
ભારત વ્હીકલ સીરિઝથી કેન્દ્ર સરકારના કર્મચારી, આર્મી અને અન્ય બીજા લોકોને ફાયદો થશે જે નોકરી અને કામથી મોટા ભાગે એક રાજ્યથી બીજા રાજ્યમાં રહે છે. BH Vehicle Seriesના લાગૂ થવા પર આ લોકોને પોતાના વાહનો માટે વારંવાર રજિસ્ટ્રેશન નંબર નહીં લેવો પડે. આ તમામ જૂના રજિસ્ટ્રેશન નંબર પરથી જ પોતાના વાહનને નવા રાજ્યમાં ચલાવી શકે છે.
કયા કલરની હશે નંબર પ્લેટ
નંબર પ્લેટ કાળા અને સફેદ રંગની હશે. સફેદ રંગની નંબર પ્લેટ પર કાળા રંગથી નંબર છાપેલો હશે. તે સાથે જ BHથી તેની શરૂઆત થશે.
આ રીતે દેખાશે બીએચ રજિસ્ટ્રેશન
BH રજિસ્ટ્રેશનનું ફોર્મેટ YY BH 5529 XX YY રાખવામાં આવ્યું છે. જેમાં પહેલા રજિસ્ટ્રેશનનું વર્ષ BH – ભારત સીરિઝ કોર્ડ 4 – 0000થી 9999 XX આલ્ફાબેટ્સ (AA to ZZ સુધી).
ખાસ સિરીઝ સાથે કેટલો ટેક્સ?
વાહન માલિકો પાસે વિકલ્પપ હશે. તેમણે બે વર્ષ કે બે ગણા ગુણકોમાં ટેક્સ ભરવો પડશે. સમગ્ર પ્રક્રિયા ઓનલાઇન હશે.
અલગ ટેક્સની ઝંઝટ સમાપ્ત
હાલના સમયમાં અલગ અલગ રાજ્યોમાં રોડ ટેક્સ અલગ છે. નવા ટેક્સ સિસ્ટમ બાદ ફરી રજીસ્ટ્રેશનની જરૂર નહી પડે અને RTO ઓફીસના ચક્કર નહી કાપવા પડે. BH સિરીઝની કાર તમે કોઇ પણ રાજ્યમાં લઇ જવી હશે વગર રોકટોક લઇ જઇ શકશો.