જાહેરાત / તમારી પાસે જૂની ગાડી છે તો જાણી લેજો, આજે મોદી સરકારે જાહેર કરી નવી પોલિસી

• 15 વર્ષ જુના વાહનો 10થી 12 ટકા વધુ પ્રદુષણ ફેલાવે છેઃ નીતિન ગડકરી
• નવી ગાડી ખરીદવા પર 5 ટકાની છૂટ મળશેઃ નીતિન ગડકરી
• સામાન્ય બજેટમાં સરકારે નવી સ્ક્રેપિંગ પોલિસીની કરી હતી જાહેરાત

સ્ક્રેપેજ પૉલિસી હેઠળ પર્સનલ વ્હીકલ્સને 20 વર્ષ બાદ વધુ કમર્શિયલ વ્હીકલ્સનું 15 વર્ષ બાદ ફિટનેસ ટેસ્ટ કરાવવું ફરજીયાત રહેશે. આ સિવાય કેન્દ્રીય મંત્રીએ એમ પણ કહ્યું કે, તમામ વાહન બનાવતી કંપનીઓને એક એડવાઇઝરી જાહેર કરવામાં આવી છે કે નવા વાહન વેચતા સમયે સ્ક્રૈપ પૉલિસીના સર્ટિફિકેટ આપનારા વાહન માલિકોને 5 ટકાની છૂટ આપવામાં આવે.

નિતિન ગડકરીએ નવી સ્ક્રૈપિંગ પૉલિસીથી થનારા ફાયદાઓ અંગે જણાવ્યું કે, આ નવી નીતિ દરમિયાન રીસાઇક્લિંગથી ઑટોમોબાઇલ ઉદ્યોગ માટે કંપોનેન્ટ્સનો ખર્ચ ઓછો થશે તેની સાથે જ નવા વાહનોની ખરીદી માટે રજિસ્ટ્રેશન અને રોડ ટેક્સમાં પણ ગ્રાહકોને છૂટ મળશે. તેનાથી ઑટો સેક્ટરમાં વાહનોના વેચાણમાં વધારો થશે.

શું છે નવી સ્ક્રૈપિંગ પૉલિસી?

RC રિન્યૂઅલ, ફિટનેસ સર્ટિફિકેટ લેવું મોંઘુ પડશે

સરકારે સેન્ટ્રલ મોટર વ્હીકલ (સંશોધન) નિયમ, 2021 બહાર પાડ્યો છે. આ નિયમ 1 ઓક્ટોબર 2021થી લાગુ થશે. જેમાં ગાડીઓના સ્ક્રેપેજ સર્ટિફિકેટ, ફિટનેસ સર્ટિફિકેટ, અને તેના રજિસ્ટ્રેશન રિન્યૂઅલ નિયમોની સાથે સાથે ફી અંગે પણ જાણકારી આપવામાં આવી છે. તેમા જણાવવામાં આવ્યું છે કે જો વાહનનું રજિસ્ટ્રેશન સ્ક્રેપ કરવા માટે સર્ટિફિકેટ લેવાયું છે, ત્યારે એવી સ્થિતિમાં નવી ગાડી ખરીદવા માટે રજિસ્ટ્રેશન સર્ટિફિકેટ ઈશ્યુ કરવા માટે ફી લેવામાં નહીં આવે. 

જો તમે 1 ઓક્ટોબર અગાઉ સ્ક્રેપેજ સર્ટિફિકેટ ન લીધુ તો તમને જૂની ગાડી પર મળનારું ઈન્સેન્ટિવ પણ નહીં મળે. આ સાથે જ RC ને રિન્યૂ કરાવવું કે ફિટનેસ સર્ટિફિકેટ લેવું પણ મોંઘુ પડશે. આ તમામ પ્રકારની ખાનગી અને કોમર્શિયલ ગાડીઓ એમ બંનેને લાગુ થશે. 

મોટર સાઈકલઃ નવું રજિસ્ટ્રેશન સર્ટિફિકેટ લેવા માટે 300 રૂપિયા થશે. જ્યારે રિન્યૂ કરવા માટે 1000 રૂપિયા ખર્ચવા પડશે. 
થ્રી વ્હીલર/Quadricycle: નવા રજિસ્ટ્રેશન સર્ટિફિકેટ માટે 600 રૂપિયા થશે જ્યારે રિન્યૂ માટે 2500 રૂપિયા આપવા પડશે. 
હળવા વાહનો (Light motor vehicle): નવા રજિસ્ટ્રેશન સર્ટિફિકેટ માટે 600 રૂપિયા, જ્યારે રિન્યૂ કરાવવા માટે 5000 રૂપિયા આપવા પડશે. 
ઈમ્પોર્ટેડ ગાડી(Imported motor vehicle): ચાર પૈડા કે તેથી વધુ માટે: નવા રજિસ્ટ્રેશન સર્ટિફિકેટ માટે 2500 રૂપિયા જ્યારે રિન્યૂ કરાવવા માટે 10,000 રૂપિયા લાગશે. 

ધ્યાન રાખજો કે જો રજિસ્ટ્રેશન સર્ટિફિકેટ સ્માર્ટ કાડ ટાઈપ હશે તો તેને લેવા માટે કે રિન્યૂ કરાવવા માટે તમારે 200 રૂપિયા વધુ આપવા પડશે. આ ઉપરાંત જો રજિસ્ટ્રેશન સર્ટિફિકેટના રિન્યૂઅલમાં મોડું થયું તો મોટરસાઈકલ માટે દર મહિનાની રીતે 300 રૂપિયા વધારાના આપવા પડશે. બાકી ગાડીઓ માટે 500 રૂપિયા વધારાનો ચાર્જ લાગશે. 

ફિટનેસ સર્ટિફિકેટનો ટેસ્ટિંગ પણ મોંઘો

15 વર્ષ જૂના વાહનો માટે ગ્રાન્ટ અને ફિટનેસ સર્ટિફિકેટના રિન્યૂઅલ માટે ટેસ્ટ કરાવવાના ચાર્જ પણ મોંઘા કરાયા છે. 

1. મેન્યુઅલ મોટરસાઈકલ માટે 400 રૂપિયા આપવા પડશે જ્યારે ઓટોમેટેડ માટે 500 રૂપિયા ચાર્જ લાગશે.
2. મેન્યુઅલ હળવા વાહનો, થ્રી વ્હીલર્સ માટે 800 રૂપિયા ફી જ્યારે ઓટોમેટેડ માટે 1000 રૂપિયા નક્કી કરાયા છે. 
3. મધ્યમ વાહન/પેસેન્જર મોટર વ્હીકલ- મેન્યુઅલ માટે 800 રૂપિયા અને ઓટોમેટેડ માટે 1300 રૂપિયા આપવા પડશે. 
4. ભારે વાહન/પેસેન્જર મોટર વ્હીકલ- મેન્યુઅલ માટે 1000 રૂપિયા જ્યારે ઓટોમેટેડ માટે 1500 રૂપિયા લાગશે. 

​ફિટનેસ સર્ટિફિકેટ રિન્યૂઅલ મોંઘુ થશે

15 વર્ષ જૂની ગાડીઓના ફિટનેસ સર્ટિફિકટ રિન્યૂઅલ અને ગ્રાન્ટ માટે આ પ્રકારે ચાર્જ થશે

1. મોટરસાઈકલ માટે 1000 રૂપિયા
2. થ્રી વ્હીલર કે  quadricycle માટે 3500 રૂપિયા
3. હળવા વાહનો માટે 7500 રૂપિયા
4. Medium goods/પેસેન્જર મોટર વ્હીકલ માટે 10,000 રૂપિયા
5. Heavy goods/ પેસેન્જર મોટર વ્હીકલ માટે 12500 રૂપિયા

જો એક્સપાયર થયા બાદ ફિટનેસ સર્ટિફિકેટ લેવામાં આવ્યું તો એક્સપાયરી બાદથી પ્રતિ દિવસ 50 રૂપિયાનો વધારાનો ચાર્જ વસૂલવામાં આવશે. 

એક એપ્રિલ જુના વાહનોનું નવીની કરણ નહીં થાય

માર્ગ પરિવહન અને રાજમાર્ગ મંત્રાલયે ટ્વિટ કરીને જણાવ્યું એક એપ્રિલ 2022ના સરકારી વિભાગે પોતાના 15 વર્ષથી વધુ જુના વાહનોનું નવીની કરણ નહી કરી શકે. આ મામલે અંશધઆરકોએ 30 દિવસમાં તેમની સૂચના, ટિપ્પણીઓ અને ફરીયાદની નકલ દાખલ કરવા આમંત્રણ આપ્યું છે.

સામાન્ય બજેટમાં સરકારે નવી સ્ક્રેપિંગ પોલિસીની કરી હતી જાહેરાત

આ પહેલા એક ફેબ્રુઆરી એ રજુ સામાન્ય બજેટમાં સરકારે (વોલેન્ટ્રી વેહિકલ સ્ક્રેપિંગ પોલિસી) વાહન કબાડ નીતિની જાહેરાત કરી હતી. જે હેઠળ ખાનગી વાહનોનું 20 વર્ષ પછી અને વાણીજ્યિક વાહનોના 15 વર્ષ પુરા થયા પછી ફિટનેસ પરીક્ષણ કરાવવું જરૂરી છે. આ ટેસ્ટ પાસ ન કરવા વાળા વાહન ચલાવવા પર દંડ લગાવવામાં આવશે. સાથે જ એવા વાહનોને જપ્ત કરી લેવામાં આવશે.

નવા રોજગાર પેદા થશેઃ નીતિન ગડકરી

નીતિન ગડકરીએ કહ્યું કે, સ્ક્રેપિંગ પોલિસીના કારણે 20 વર્ષમાં જૂના 51 લાખ વાહન સ્ક્રેપ થઇ જશે. જે પણ ગાડી સ્ક્રેપ કરશે તેઓ નવી ખરીદશે. એનાથી ઓટો ઇન્ડસ્ટ્રીને પ્રોત્સાહન મળશે. તેમણે કહ્યું હતું કે આ પોલિસી લાગુ થવાથી 10 હજાર કરોડ રૂપિયાના નવા રોકાણ આવશે અને લગભગ 50 હજાર નવા રોજગાર પેદા થશે.

નવી ગાડી ખરીદવા પર 5 ટકાની છૂટ મળશેઃ નીતિન ગડકરી

તો આ મહિને નીતિન ગડકરીએ જણાવ્યું હતું કે, સ્ક્રેપિંગ નીતિ અપનાવનારા લોકોને નવી ગાડી ખરીદવા પર 5 ટકાની છૂટ મળશે. ગડકરીએ કહ્યુ કે, ભારતમાં દુનિયાના લગભગ મામ ઑટો બ્રાન્ડ હાજર છે. સક્રેપિંગ પોલીસીના કારણે ઑટો સેકટરની ઈકોનોમીનો આકાર 4.50 લઆખ કરોડથી વધીને 6 લાખ કરોડ રૂપિયા થઈ જશે.

15 વર્ષ જુના વાહનો 10થી 12 ટકા વધુ પ્રદુષણ ફેલાવે છેઃ નીતિન ગડકરી

નીતિન ગડકરીના જણાવ્યા અનુસાર, 15 વર્ષ જુના વાહનો નવા વાહનોની સરખામણીમાં 10થી 12 ટકા વધુ પ્રદુષણ ફેલાવે છે. તેમણે જણાવ્યું કે 1 કરોડથી વધુ વાહનો એવા છે જે સામાન્ય વાહનોની સરખામણીમાં 10થી 12 ગણું વધારે પ્રદુષણ ફેલાવે છે. સ્ક્રેપ પોલિસીથી વાહનોને કારણે થતા હવાના પ્રદુષણમાં 25થી 30% સુધીનો ઘટાડો થશે.