કોરોનાનો નવો વેરિઅન્ટ કપ્પા ભારતમાં યૂપીમાં જોવા મળ્યો છે. ડેલ્ટા પ્લસ કરતા પણ ખતરનાક આ વાયરસે વૈજ્ઞાનિકોનું ટેન્શન વધાર્યું છે.
દેશમાં કપ્પા વેરિઅન્ટની એન્ટ્રી
યૂપીમાં મળ્યો પહેલો કપ્પા વેરિઅન્ટ
વૈજ્ઞાનિકોનું ટેન્શન વધ્યું
યૂપીમાં મળ્યો પહેલો કપ્પા વેરિઅન્ટ
યુપીના દેવરિયા અને ગોરખપુરમાં કોરોનાના નવા સ્ટ્રેન કપ્પા જોવા મળ્યો છે. અધિકારીઓએ જણાવ્યું કે 109 સેમ્પલોની જીનોમ સિકન્વસિંગ કરવામાં આવી તેમાં કપ્પા વેરિયન્ટની પુષ્ટિ થઈ છે.જોકે આ પ્રકારના કેસો પહેલા પણ આવી ચૂક્યા છે. જે લોકોમાં આ વેરિયન્ટની પુષ્ટિ થઈ છે તેમની ટ્રાવેલ હિસ્ટ્રીની ચકાસણી કરવામાં આવી રહી છે.
30 દેશોમાં ફેલાયો છે કપ્પા વેરિયન્ટ
યુપી બીઆરડી માઈક્રોબાયોલોજી વિભાગના અધ્યક્ષ ડોક્ટર અમરેશ સિંહે કહ્યું કે કપ્પા વેરિયન્ટ 30 દેશોમાં ફેલાયો છે. વર્લ્ડ હેલ્થ ઓર્ગેનાઈઝેશને આ સ્ટ્રેનને વેરિયન્ટ ઓફ કન્સર્ન જણાવ્યો છે. કપ્પા વેરિયન્ટ બી.1.617 ના મ્યુટેશનથી પેદા થયો છે. ડેલ્ટા પ્લસની જેમ કપ્પા વાયરસ પણ ચિંતાનો વિષય છે.
જાણો શું છે કપ્પા વેરિઅન્ટ
જાણકારોના કહેવા પ્રમાણે કપ્પા વેરિઅન્ટ પેંગો વંશથી સંબંધ રાખે છે. તેને 1.617ના નામે ઓળખવામાં આવે છે. કપ્પા વેરિઅન્ટને B.1.617.1નું નામ અપાયું છે. જે પહેલી વાર ભાતમાં 2020ના ડિસેમ્બરમાં મળ્યો હતો. જાણકારો કહે છે કે E484Q અને E484K વેરિઅન્ટના કારણે કપ્પાનું વેરિઅન્ટ રૂપ આવ્યું છે કહેવાઈ રહ્યું છે કે આ મ્યુટેશનમાં L452Rનો પણ હાથ છે. તેના કારણે ઈમ્યુન સિસ્ટમ નબળી પડે છે.
કેવી રીતે પડ્યું કપ્પા વેરિઅન્ટનું નામ
થોડા સમય પહેલા વિશ્વ સ્વાસ્થ્ય સંગઠને જાહેરાત કરી કે જ્યારથી કોરોનાનો નવો સ્ટ્રેનનું નામ ગ્રીક અલ્ફાબેટિકલ લેબલ્સના નામે રખાશે ત્યારે આ કડીમાં ડેલ્ટા અને કપ્પા નામ આવ્યા, કપ્પા બાદ બ્રિટનથી મળેલા સ્ટ્રેનનું નામ અલ્ફા રખાયું
શું છે કપ્પા વેરિઅન્ટના લક્ષણો
વિશેષજ્ઞો માને છે કે કોરોના વાયરસના કપ્પા વેરિઅન્ટથી પીડિત લોકોમાં ખાંસી, તાવ, ગળામાં ખરાશ જેવા લક્ષણો જોવા મળી રહ્યા છે. માઈલ્ડ અને ગંભીર લક્ષણોમાં કોરોના વાયરસના અન્ય મ્યૂચેન્ચના લક્ષણો પણ હોઈ સકે છે. આ વેરિઅન્ટને લઈને શોધ ચાલુ છે અને અન્ય જાણકારી પણ સામે આવી શકે છે.
જાણો કઈ રીતે બચશો કપ્પા વેરિઅન્ટથી
માનવામાં આવી રહ્યું છે કે કપ્પા વેરિઅન્ટથી લઈને ડેલ્ટા વેરિઅન્ટ સુધી કોઈ પણ વેરિઅન્ટથી બચવા માસ્ક સૌથી જરૂરી છે. આ સાથે બહાર જાઓ તો સોશ્યલ ડિસ્ટન્સિંગ પણ જરૂરી છે. સમયાંતરે હાથ ધોતા રહો અને ઈમ્યુનિટીનું ખાસ ધ્યાન રાખો. કોરોનાના લક્ષણ દેખાય તો પોતાને ક્વોરન્ટાઈન કરો અને ડોક્ટરની સલાહ લો.