TVS એ પોતાના સૌથી પૉપ્યુલર સ્કૂટર Jupiter નું નવું ગ્રાન્ડ એડિશન લોન્ચ કર્યુ છે. નવા TVS Jupiter Grande Edition ની ખાસ વાત એવી છે કે, તેણે બ્લૂટૂથ કનેક્ટિવિટી ફિચર SmartXonnect આપવામાં આવ્યુ છે. આ સ્કૂટરની કિંમત 59900 રૂપિયા છે.
તમને જણાવી દઇએ કે, કંપનીએ આ પહેલા Jupiter Grand વેચતી હતી, પરંતુ પછી તેણે બંધ કરીને તેની જગ્યાએ ZX વેરિયન્ટ લોન્ચ કર્યુ હતુ. હવે ફરી એક વખત ગ્રાન્ડ એડિશન બજારમાં લોન્ચ કર્યુ છે. જૂના TVS Jupiter Grande ની જગ્યાએ નવા મૉડલની કિંમત માત્ર 252 રૂપિયા વધાર છે.
TVS Jupiter ના આ નવા વેરિયન્ટમાં આપવામાં આવેલા SmartXonnect ફિચરથી તમે એક એપના માધ્યમથી તમારા સ્માર્ટફોનને સ્કૂટરની સાથે કનેક્ટ કરી શકો છો. જેમાં તમે કૉલ, ટેક્સ્ટ, ઓવરસ્પીડિંગ માટે એલર્ટ અને ટ્રિપ ડિટેલ્સ મળશે. આ સિવાય સ્કૂટરમાં અનાલૉગ-ડિજિટલ ઇન્સ્ટ્રૂમેન્ટ ક્લસ્ટરમાં સ્પીડ, ટ્રિપ મીટર તથા ઓડોમીટર રીડિંગ્સ અને ફ્યૂલ લેવલ્સની તમામ જાણકારી મળશે.
ફિચર્સ:
નવા Jupiter ગ્રાન્ડના ફિચર્સની વાત કરવામાં આવે તો ક્રોમ બેજલ્સ સાથે LED હેડલેમ્પ, ડ્યૂલ-કલર 3D ગો, ફ્રન્ટ ફેંડર્સ અને રિવર વ્યૂ મિરર્સ પર ક્રોમ ફિનિસ, પ્રીમિયમ મરૂન કલર સીટ્સ, ઇન્ટિરિયલ પેનલ્સ અને મશીન્ડ ડ્યૂલ ટોન અલોય વ્હીલ આપવામાં આવ્યા છે. આ સ્કૂટર ટેક બ્લૂ કલરમાં ઉપલબ્ધ છે.
એન્જિન:
મિકેનિકલી વાત કરવામાં આવે તો Jupiter નું નવુ વેરિયન્ટ જૂના વેરિયન્ટ જેવુ જ છે. જેમાં 109.7cc, સિંગલ સિલિન્ડર, એરકૂલ્ડ એન્જિન આપવામા આવ્યુ છે, જે 7.99PS ના પાવર અને 8.4Nm ટોર્ક જનરેટ કરે છે. સસ્પેશનની વાત કરવામાં આવે તો, ફ્રન્ટમાં ટેલેસ્કોપિક ફોર્ક અને રિયરમાં પ્રીલોડ-અડજેસ્ટબલ શોર્ક ઓબ્ઝોર્વર આપવામાં આવ્યા છે.
બ્રેકિંગ:
નવા Jupiter ગ્રાન્ડમાં માત્ર એક વેરિયન્ટ (ડિસ્ક)માં ઉપલબ્ધ છે. જેના ફ્રન્ટમાં ડિસ્ક બ્રેક અને રિયરમાં ડ્રમ બ્રેક આપવામાં આવી છે. સ્કૂટર CBS ( કમ્બાઇડ બ્રેકિંગ સિસ્ટમ) થી લેસ છે. ત્યારે આ પહેલાના Jupiter ગ્રાન્ડ ડિસ્ક અને ડ્રમ, બંને વેરિયન્ટમાં ઉપલબ્ધ છે.