દુનિયા આખી હજુ સુધી કોરોના વાયરસ સામે લડી રહી છે અને એમાંય મંકીપોકસ પાછો ફેલાઈ રહ્યો છે, સ્વાસ્થ્યને લઈને લોકોમાં આટલી જાગરૂકતા વધી હોવા છતાં નવી બીમારીઓ દેશની ચિંતા વધારી રહી છે, હવે ટોમેટો ફ્લૂએ ટેન્શન વધાર્યું છે.
ટોમેટો ફ્લૂના કારણે વધ્યું ટેન્શન
ભારતમાં 80થી વધારે બાળકો પીડિત હોવાની આશંકા
ફ્લૂનો પહેલો કેસ કેરળમાં આવ્યો હતો
રાહતની વાત! બીમારીના ગંભીર પરિણામ નથી
ધ સનના રિપોર્ટ અનુસાર ભારતમાં ટોમેટો ફ્લૂના 80 થી વધારે શંકાસ્પદ કેસ સામે આવ્યા છે જેમાં બાળકોના શરીર પર દર્દનાક ફોડલા પડી જાય છે. આ બીમારીમાં આખા શરીર લાલ અને દર્દનાક ફોડલીઑ પડે છે જે ધીમે ધીમે ટામેટાંના આકારની થઈ જાય છે તેથી તેને ટોમેટો ફ્લૂ કહેવામાં આવે છે.
આ બીમારીમાં થાક લાગવી, ઊલટી, ઝાડા, તાવ, સાંધામાં દુખાવો, જેવા અન્ય લક્ષણો પણ જોવા મળે છે. ડોકટરોએ લાલ ફોડલીઑની તુલના મંકીપોકસ, ડેન્ગ્યુ, ચિકનગુનિયા જેવી બીમારીઓ સાથે કરી છે.
ભારતમાં કેરળમાં હતો પહેલો કેસ
સ્વાસ્થ્ય અધિકારીઑ આંસુયર મે થી જુલાઇ મહિનાની વચ્ચે ભારતમાં 82થી વધારે કેસ સામે આવ્યા છે જેમાં મોટા ભાગના દર્દ પાંચ અથવા તેનાથી નાના બાળકો જ છે. આ ફ્લૂનો પહેલો કેસ કેરળના કોલ્લમમાં જોવા મળ્યો હતો.
શું છે ઈલાજ!
જોકે રાહતની વાત કહી શકાય કે આ બીમારીના કોઈ ગંભીર પરિણામ હજુ સુધી જોવા મળ્યા નથી, બાળકો સામાન્ય સારવાર અને આરામ કરવાથી સાજા થઈ જાય છે અને તરલ પદાર્થ ખાવાની સલાહ ડૉક્ટર દ્વારા આપવામાં આવે છે.