રાજ્યના શિક્ષણ વિભાગે એક મહત્વપૂર્ણ નિર્ણય લીધો છે. ગુજરાતમાં હવે એપ્રિલ મહિનાથી તમામ શાળાઓ માટે નવું શૈક્ષણિક વર્ષ શરૂ થશે. આ નવો નિયમ નવા શૈક્ષણિક વર્ષ 2020-2021થી લાગૂ કરવામાં આવશે.
શિક્ષણ વિભાગનો મોટો નિર્ણય
એપ્રિલ મહિનાથી શરૂ થશે નવું શૈક્ષણિક સત્ર
વર્ષ 2020-2021થી કરાશે લાગૂ
આ સાથે શિક્ષણ વિભાગે તમામ શાળાઓને માર્ચ સુધીમાં તમામ પરીક્ષાઓ પૂર્ણ કરવા આદેશ આપ્યો છે. રાજ્યના શિક્ષણ વિભાગે કરેલા આદેશ મુજબ હવેથી વાર્ષિક પરિક્ષા બાદ 4 અઠવાડિયા શૈક્ષિણક સત્ર ચાલુ રહેશે અને નવું શૈક્ષણિક સત્ર એપ્રિલ મહિનાથી શરૂ થશે.
ત્યારબાદ 4 મે થી 7મી જૂન સુધીનું ઉનાળું વેકેશન રહેશે અને 8 જૂન 2020થી નવા શૈક્ષણિક સત્રની શરૂઆત થશે. આ સાથે ધોરણ 1 થી 5માં 200 દિવસનું શૈક્ષણિક કાર્ય રહેશે. જ્યારે ધોરણ 6 થી 8માં 220 દિવસ અને ધોરણ-9માં 240 દિવસનું શૈક્ષણિક કાર્ય ફરજીયાત પૂરુ કરવાનું રહેશે. આ મામલે શિક્ષણવિદ્ સાથે વિગતવાર ચર્ચા કરી કેટલાક ઠરાવ પસાર કરવામાં આવ્યા છે.
પસાર કરવામાં આવેલા ઠરાવ 1. આગામી શૈક્ષણિક વર્ષ 20 એપ્રિલથી શરૂ થશે. 2. ઉનાળાનું વેકેશન તારીખ 4 મે, 2020થી 7 જૂન, 2020 સુધી રહેશે. 3. એપ્રિલના પ્રથમ અઠવાડિયાથી જ શૈક્ષણિક કાર્યની શરૂઆત કરવાની રહેશે. 4. પરીક્ષા અને તેને સંલગ્ન કામગીરી માર્ચમાં જ પૂરી કરવાની રહેશે. 5. ગુજરાત રાજ્ય શાળા પાઠ્ય પુસ્તર મંડળ દ્વારા એપ્રિલમાં જ પુસ્તકો મળી જાય તેનું આયોજન કરવાનું રહેશે 6. ઉનાળા વેકેશન અને દિવાળી વેકેશનના દિવસો જોગવાઇ પ્રમાણે રાખવાના રહેશે.