Tataએ પોતાની પૉપ્યુલર હેચબેક કાર Tiago XZનું ટોપ એન્ડ વેરિયન્ટ Tiago xz+ લોન્ચ કર્યું છે. કંપનીએ નવા ફ્લેગશિપ મોડલ તરીકે લોન્ચ કર્યુ છે. કંપનીએ નવા મોડલમાં વ્યાપક ફેરફારો કર્યા છે. માનવામાં આવે છે કે નવા ફિચર્સ લોકોને વધુ એટ્રેક્ટ કરશે સાથે જ કિંમતમાં પણ વધુ ફેરફાર નથી કરાયો. જો તમે આ કાર ખરીદવા માગતા હોય તો તમારે લગભગ 42000 રૂપિયા વધારે ચૂકવવા પડશે.
કંપનીએ કારના આઉટર લૂકમાં બદલાવ કરીને ડ્યૂઅલ ટોન રજૂ કર્યો છે. કારમાં બ્લેક રૂકટોપ આપવામાં આવ્યુ છે. રૂક ટોપ બ્લેક સિવાય બેરી રેડ અને પર્સનલ વ્હાઇટ કલરમાં મળશે. આ મોડલને ટિઆગોના કેન્યન ઓરેન્જ અને ઓશન બ્લૂ કલર સાથે ટોન કરવામાં આવ્યો છે. તો ટાઈટેનિયમ ગ્રે અને એક્સપ્રેસો બ્રાઉન રંગ સાથે બ્લેકરૂફ ટોપ નથી આપવામાં આવ્યુ.
આ સાથે આઉટર લૂકમાં બેરલ સ્મોક્ડ હેડલેમ્પ સાથે પ્રોજેક્ટ લેમ્પ્સ આપવામાં આવ્યા છે. જે પહેલી વખત ટિગોર ફેસલિફ્ટ અને પછી જેટીપી ટ્વિન્સમાં આપવામા આવ્યા હતા. જે વ્હીલ્ઝની વાત કરીએ તો Tiago xz+ પેટ્રોલમાં 15 ઈંચ ડ્યૂઅલ કલર એલોય વ્હીલ્ઝ અને Tiago xz+ ડીઝલ વેરિયંટમાં 14 ઈંચ ડ્યૂઅલ કલર એલોય વ્હીલ્ઝ આપવામાં આવ્યા છે.
ઇન્ટિરિયરની વાત કરવામાં આવે તો આ વખતે ફૂલ્લી ઓટોમેટિક ક્લાઇમેટ કંટ્રોલ સિસ્ટમવાળું એસી આપવામાં આવ્યું છે. સાથે જ નવા ડ્યૂઅલ ટોન ફેબરિક સીટ કવર સાથે ફેબરિક ફેબરિક રૂફ લાઈનર પણ અપાયું છે. આ સિવાય ટિઆગોના અપગ્રેડેડ વર્ઝનમાં તમને 7 ઇંચનું ઈન્ફોટેઈનમેન્ટ સિસ્ટમ પણ મળશે. જે ટિગોર ફેસલિફ્ટમાં સૌથી પહેલા આવ્યુ હતુ.
જોકે લૂક સિવાય કંપનીએ કારમાં મિકેનિઝમાં કોઇ ખાસ ફેરફાર કર્યા નથી. પેટ્રોલ વેરિયંટમાં અગાઉની જેમ જ 1.2 લીટર 3 સિલિન્ડર એન્જિન છે. જે 85 પીએસ પાવર સાથે 114 ન્યૂટન મીટર ટોર્ક જનરેટ કરે છે. 5 સ્પીડ ટ્રાન્સમિશન આપવામાં આવ્યુ છે. તો ડીઝલમાં 1.05 લીટર એન્જિન છે જે 70પીએસ પાવર સાથે 140 ન્યૂટન મીટર ટોર્ક જનરેટ કરે છે.
ટાટા ટિયાગો XZ+ની કિંમત ભારતમાં 5.57 લાખ રૂપિયા (એક્સ શોરૂમ દિલ્હી) રાખવામાં આવી છે. ડ્યૂઅલ ટોન વેરિયંટની કિંમત 6.4 લાખ રૂપિયા છે. આ કારના ડીઝલ વેરિયંટની કિંમત 6.31 લાખ રૂપિયા અને ડ્યૂઅલ કલર ટોન વેરિયન્ટની કિંમત 6.38 લાખ રૂપિયા છે. જો તમે નવી ટિયાગો ખરીદવાનું વિચારતા હશો તો ડીઝલ વર્ઝન માટે 33 000 રૂપિયા અને પેટ્રોલ વર્ઝન માટે 42 000 રૂપિયા ખર્ચવા પડશે.