સ્વાસ્થ્ય / હવે તમારી ઉંમરમાં વધારો કરવામાં 'સ્ટ્રેસ' થશે મદદરૂપ

(પ્રતિકાત્મક તસ્વીર)

ન્યૂ દિલ્હીઃ સ્ટ્રેસ એટલે કે તણાવ (Stress) અને ચિંતા (Anxiety) ને સામાન્ય રીતે નુકસાનરૂપ માનવામાં આવે છે. પરંતુ વૈજ્ઞાનિકોએ સ્ટ્રેસની એક એવી કેટેગરી વિશે માલૂમ કર્યુ કે જે કારણોસર માનવીની લાંબી ઉંમર થઇ શકે છે. આનાંથી વ્યક્તિમાં વૃદ્ધાવસ્થા આવવાની પ્રક્રિયાને ધીમી કરવા અને ઉંમર વધારવામાં મદદ મળી શકે છે.

અમેરિકામાં હ્યૂસ્ટન મેથડિસ્ટ રિસર્ચ ઇન્સ્ટિટ્યૂટનાં વૈજ્ઞાનિકોએ યીસ્ટ, કેટલાંક નાના કીડા-મકોડાઓ અને ઉંદરો પર આ સ્ટ્રેસનાં પ્રભાવનું અધ્યયન કર્યુ છે. યીસ્ટનાં મામલામાં વૈજ્ઞાનિકોને ખ્યાલ આવ્યો કે આ સ્ટ્રેસનાં પ્રભાવથી ઉંમરમાં વધારો થાય છે. આ સ્ટ્રેસથી વૈજ્ઞાનિકોએ ક્રોમૈટિન સ્ટ્રેસ નામ આપ્યું છે કે જે કારણોસર કોઇનાં ડીએનએમાં ફેરફાર આવે છે.

માનવીઓમાં પણ રહેશે આ સ્ટ્રેસની હાજરીઃ
વૈજ્ઞાનિકોએ જણાવ્યું કે, યીસ્ટ, ઉંદરો સિવાય ક્રોમૈટિન સ્ટ્રેસ બીજા જીવોમાં પણ હોય છે. મહત્વનું છે કે આની હાજરીમાં માનવીઓમાં પણ થઇ શકે છે. જો આવુ થયું તો આ માનવીઓમાં વૃદ્ધાવસ્થાની પ્રક્રિયાને ધીમી કરવા અને લાંબી ઉંમરની નવી સંભાવનાઓને ખોલવામાં મદદ કરશે.