સોશિયલ મીડિયા / હવે આ એપ તમને VIDEO અપલોડ કરવા માટે આપશે પૈસા

• Tik Tokને ટક્કર આપશે આ એપ
• યુઝરને વીડિયો બનાવવા પર આપશે પૈસા
• ટૂંક સમયમાં ભારતમાં થશે લોન્ચ

ખાસ વાત એ છે કે, આવનારા સમયમાં કંપની આ પ્લેટફોર્મ પર રેવન્યૂ શેરિંગ પણ લઈને આવશે. જેનાથી યુઝર્સને ફાયદો થશે. યુઝર્સને વીડિયો બનાવવા બદલ પૈસા પણ આપવામાં આવશે. 

TikTokની જેમ કામ કરે છે આ એપ

ઉલ્લેખનીય છે કે, Byte એપ, પોપ્યુલર એપ Vineના નવા વર્ઝન તરીકે જોવામાં આવી રહી છે. Byte એપ પર યુઝર 6 સેકન્ડનો વીડિયો શેર કરી શકે છે. આ ટિકટોકની જેમ જ કામ કરે છે. Byte એપ દ્વારા એક ટ્વિટ પણ કરવામાં આવ્યું છે. જેમાં લખ્યું છે કે, આ એપ ફેમિલિયર પણ છે અને નવી પણ છે. આ એપ ટિકટોકની જેમ વીડિયો બેસ્ડ એપ છે. આમાં નાના વીડિયોઝમાં ઘણાં ફીચર્સ જોવા મળશે. 

dear friends,

today we’re bringing back 6-second looping videos and a new community for people who love them.

it’s called byte and it’s both familiar and new. we hope it’ll resonate with people who feel something’s been missing. https://t.co/g5qOIdM8qG

— byte (@byte_app) January 25, 2020

Byte એક સ્વતંત્ર કંપની છે

Vine એપના કો-ફાઉન્ડર ડામ હૉફમેને એક ટીઝર જારી કર્યું હતું, જેમાં તેમણે જણાવ્યું હતું કે, તેઓ Vine એપના સીક્વલ પર કામ કરી રહ્યાં છે. હાલ Byte એક સ્વતંત્ર કંપની છે અને આ એપ હવે ગૂગલ પ્લે સ્ટોર અને એપલ એપ સ્ટોર પણથી ડાઉનલોડ કરી શકાય છે. 

ભારતમાં લોન્ચ થશે Byte

એક ઈન્ટરવ્યૂમાં ક્રિએટર ડોમ હૉમમેને કહ્યું કે, Byte ટૂંક સમયમાં રેવન્યૂ શેરિંગ સિસ્ટમ લાવશે, જેનાથી વીડિયો બનાવવા માટે યુઝર્સને પૈસા પણ મળશે. હાલ આ એપ 40 દેશમાં ઉપલબ્ધ છે, પરંતુ ભારતમાં હજી સુધી આ એપ લોન્ચ થઈ નથી. હાલ પ્લે સ્ટોર અને એપ સ્ટોર પર ભારતમાં આ એપ નથી. ભારતમાં Tik Tok બહુ જ પોપ્યુલર છે, જેથી આવનારા સમયમાં કંપની કેટલાક નવા ફીચર્સ સાથે ભારતમાં લોન્ચ કરી શકે છે.