કોરોના મહામારીમાં લોકોને અચાનક પૈસાની જરૂર પડી જતી હોય છે. એવામાં લોકોની જરૂરિયાતને ધ્યાનમાં રાખતા સરકારે એક નવી સર્વિસ શરૂ કરી છે. ચાલો જાણીએ.
કોરોના મહામારીમાં સરકારે શરૂ કરી નવી સર્વિસ
પીએફ ખાતાધારકોને મળશે મોટી રાહત
હવે તમે એક લાખ રૂપિયા એડવાન્સ પીએફ બેલેન્સમાંથી ઉપાડી શકો છો
સરકારની આ નવી સુવિધા હેઠળ તમે તમારા એમ્પ્લોયી પ્રોવિડન્ટ ફંડમાંથી એક લાખ રૂપિયા એડવાન્સ પીએફ બેલેન્સમાંથી ઉપાડી શકો છો. તમે કોઈપણ પ્રકારની મેડિકલ ઈમરજન્સી સમયે આ પૈસા ઉપાડી શકો છો. તમારે આ સર્વિસનો લાભ લેવા માટે ખર્ચ બતાવવો પડશે.
1 જૂને ઇપીએફઓએ એક પરિપત્ર બહાર પાડ્યો હતો, જેમાં જણાવ્યું હતું કે કર્મચારીઓને 1 લાખ રૂપિયા સુધી મેડિકલ એડવાન્સ માટે ઉપાડી શકે છે. કોરોના વાયરસ સિવાય ઇમરજન્સીમાં પણ અન્ય રોગોમાં પણ હોસ્પિટલમાં દાખલ થવા પર પીએફમાંથી પૈસા ઉપાડી શકાય છે.
આ બદલાવ મેડિકલ એડવાન્સવાળી સર્વિસથી અલગ છે
અગાઉ ઇપીએફઓ મેડિકલ ઇમરજન્સી સમયે ઇપીએફમાંથી પૈસા ઉપાડી શકાય છે. જોકે, એ મેડિકલ બિલ જમા કરાવ્યા પછી જ મળતા હતા. પરંતુ આ મેડિકલ એડવાન્સ અગાઉની સેવા કરતા અલગ છે. તમારે આમાં કોઈ બિલ ચૂકવવાની જરૂર નથી. તમારે બસ એપ્લાય કરવાનું છે અને પૈસા તમારા ખાતામાં ટ્રાન્સફર કરવામાં આવશે.
આ રીતે ઉપાડી શકો છો પૈસા
www.epfindia.gov.in વેબસાઇટના હોમ પેજ પર COVID-19 ટેબ હેઠળ ઉપર જમણા ખૂણામાં ઓનલાઈન એડવાન્સ ક્લેમ લઈ શકાય છે.
https://unifiedportalmem.epfindia.gov.in/memberinterface ઓનલાઈન સેવાઓ પર જાઓ >> ક્લેમ કરો (ફોર્મ -31,19,10 સી અને 10 ડી)
Get Aadhaar OTP પર ક્લિક કરો અને આધાર લિંક્ડ મોબાઈલ પર મળેલા ઓટીપીને એન્ટર કરો.
તમારો ક્લેમ ફાઈલ થઈ ગયો.
કોરોના કાળને ધ્યાનમાં રાખીને સરકારે ઘણી યોજનાઓ શરૂ કરી છે. જે હેઠળ આ સુવિધા પણ શરૂ કરવામાં આવી છે. જો તમને પૈસાની અરજન્ટ જરૂર હોય તો તમે આ સેવાનો લાભ લઈ શકો છો. જોકે, જ્યાં સુધી તે ખૂબ મહત્વનું ન હોય ત્યાં સુધી પીએફના પૈસા ઉપાડવાનું ટાળવું જોઈએ.