New Telecom Bill / WhatsApp, Telegram જેવી Appથી કૉલિંગને લઈને મોદી સરકાર લાવી રહી છે નવો કાયદો, જાણો તમારા પર શું થશે અસર

• હવે નવા કાયદા હેઠળ આવશે વોટ્સએપ, ટેલીગ્રામ કોલ્સ અને ઓટીટી પ્લેટફોર્મ્સ 
• અશ્વિની વૈષ્ણવે કર્યો ખુલાસો 
• ટેલીકોમ સેવાના રૂપમાં ઓટીટીને પણ સામેલ કરવામાં આવ્યું છે 

હવે નવા કાયદા હેઠળ આવશે વોટ્સએપ, ટેલીગ્રામ કોલ્સ અને ઓટીટી પ્લેટફોર્મ્સ 

સોશિયલ મીડિયા પ્લેટફોર્મ અને ઓટીટીની મનમાની પર રોક લગાવવા માટે સરકાર ડ્રાફ્ટ બિલ લઈને આવી રહી છે. આ બાબતને અશ્વિની વૈષ્ણવે કહ્યું કે નવો ટેલીકોમ નિયમ ઇન્ડસ્ટ્રીને બીજી વાર ઉભા કરવા માટે અને ઇનોવેશનને પ્રોત્સાહન આપવા માટે એક રોડમેપનું કામ કરશે. 

પબ્લિક અફેર્સ ફોરમ ઓફ ઇન્ડિયાનાં એક કાર્યક્રમમાં વાત કરતા મંત્રીએ કહ્યું કે આવતા દોઢથી બે વર્ષમાં સરકાર ડીજીટલ નિયામક ઢાંચાને સંપૂર્ણ રીતે સંશોધિત કરવામાં સક્ષમ હશે, જેનો ઉદ્દેશ્ય સામાજિક ઉદ્દેશ્યોને સંતુલિત કરવાનો હશે. આ સાથે જ વૈષ્ણવે કહ્યું કે આવતા 25 વર્ષ સમાવેશી વિકાસનો સમયગાળો હશે અને રોકાણ એ વિકાસનું પ્રાથમિક ઉપકરણ હશે. નવા બીલ અનુસાર, વોટ્સએપ, ઝૂમ અને ગુગલ ડ્યુઓ જેવા ઓટીટી જે કોલિંગ અને મેસેજિંગ સેવાઓ પ્રદાન કરે છે, તેમને દેશમાં કામ માટે લાઈસન્સની જરૂરીયાત પડી શકે છે. 

નવા નિયમોમાં ઓટીટી પણ સામેલ 
આ બીલમાં ટેલીકોમ સેવાના હિસ્સાનાં રૂપમાં ઓટીટીને પણ સામેલ કરવામાં આવ્યા છે. અત્યાર સુધી તમામ પ્રકારના સોશિયલ મીડિયા એપ અને ઓટીટી પ્લેટફોર્મ ફ્રેમવર્કમાં ન હતા, જે કારણે મનમરજીનાં કન્ટેન્ટ સરળતાથી પ્રસારિત કરવામાં આવતા હતા. પરંતુ હવે સરકારે આ કાબુમાં લાવવા માટે તૈયારી કરી લીધી છે. સરકારે બીલમાં ટેલીકોમ અને ઇન્ટરનેટ સર્વિસ પ્રોવાઈડર્સની ફીસ અને પેનલ્ટી માફ કરવાનો નિયમ પ્રસ્તાવિત કર્યો છે. મંત્રાલયે કોઈ ટેલિકોમ કે ઈન્ટરનેટ પ્રદાતા દ્વારા પોતાનું લાઇસન્સ સરેન્ડર કરવાની સ્થિતિમાં શુલ્ક વાપસીનાં નિયમનો પણ પ્રસ્તાવ કર્યો છે. 

અ સર્વિસ પર પ્રતિબંધ મૂકવામાં આવશે 
ટેલિકોમના નવા કાયદાના આગમન સાથે ઘણા પ્રકારની સેવાઓ દાયરામાં આવશે, જેમાં ઇન્ટરનેટ આધારિત સંચાર સેવા, ઇન-ફ્લાઇટ અને મેરીટાઇમ કનેક્ટિવિટી, ઇન્ટરપર્સનલ કમ્યુનીકેશન, વિડીયો કોલ્સ સામેલ છે. જણાવી દઈએ કે WhatsApp, Signal અને ઘણા બીજા પ્લેટફોર્મ્સ ઓવર ધ ટોપ સર્વિસની અંદર જ આવે છે.