તમારા કામનું / 1 સપ્ટેમ્બરથી બદલાવવા જઈ રહ્યા છે આ જરૂરી નિયમો, તમારા ખિસ્સા પર પડશે સીધો માર

• 1 સપ્ટેમ્બરથી બદલવા જઈ રહ્યા છે આ નિયમો 
• જેની તમારા ખિસ્સા પર પડશે સીધી અસર 
• આ નિયમો વિશે તમારે જાણી લેવું જરૂરી 

ઓગસ્ટ મહિનો પુરો થવા આવ્યો છે. આવી સ્થિતિમાં નવા મહિનાની શરૂઆત સાથે ઘણા નિયમો બદલાવાના છે. જેની સીધી અસર તમારા ખિસ્સા પર પડશે. એવામાં જાણો 1લી સપ્ટેમ્બર 2022 થી બદલાતા નિયમો વિશે જેની તમારા પર અસર પડશે. 

યમુના એક્સપ્રેસ વે પર ટોલનો બોજો 
જો તમે દિલ્હી જવા માટે યમુના એક્સપ્રેસ વેનો ઉપયોગ કરશો તો તમારા ખિસ્સા પર ટોલનો બોજો વધી જશે. યમુના એક્સપ્રેસવે ઈન્ડસ્ટ્રીયલ ડેવલપમેન્ટ ઓથોરિટીએ ટોલના વધારાને મંજૂરી આપી દીધી છે. કાર જેવા નાના વાહનો માટે તમારે પ્રતિ કિલોમીટર 10 પૈસા વધુ આપવા પડશે. સાથે જ મોટા કોમર્શિયલ વાહનો પર પ્રતિ કિલોમીટર 52 પૈસા વધુ ટોલ ચૂકવવો પડશે.

વીમાના નિયમોમાં મોટા ફેરફાર 
IRDAIએ જનરલ ઈન્શ્યોરન્સના નિયમોમાં મોટા ફેરફારો કર્યા છે. હવે એજન્ટને વીમા કમિશન પર 30 થી 35 ટકાના બદલે માત્ર 20 ટકા કમિશન મળશે. તેનાથી લોકોનું પ્રીમિયમ ઘટશે અને તેમને રાહત મળશે.

ઓડી કારના દરેક મોડલ થયા મોંઘા 
જો તમે ઓડીની કાર ખરીદવા જઈ રહ્યા છો તો જણાવી દઈએ કે આ કંપનીના તમામ મોડલની કાર મોંઘી થવા જઈ રહી છે. આ વધારો 2.4 ટકા હશે અને આ નવી કિંમતો 20 સપ્ટેમ્બર 2022થી લાગુ થશે.

NPSના કમિશનમાં વધારો 
નેશનલ પેન્શન સ્કીમનું ખાતું ખોલવા પર પોઈન્ટ ઓફ પ્રેઝન્સ કમિશન મળે છે. આવી સ્થિતિમાં હવે આ કમિશન 15 રૂપિયાથી વધારીને 10 હજાર રૂપિયા કરી દેવામાં આવ્યું છે.

પ્રોપર્ટી રેટ
જો તમે ગાઝિયાબાદમાં પ્રોપર્ટી ખરીદવાનું વિચારી રહ્યા છો તો તેની સીધી અસર તમારા ખિસ્સા પર પડશે. ગાઝિયાબાદના સર્કિટ રેટમાં વધારો કરવામાં આવ્યો છે. જેમાં 4 થી 2 ટકાનો વધારો નોંધાયો છે. આ નવો સર્કલ રેટ 1લી સપ્ટેમ્બર 2022થી લાગુ થશે.