ફેરફાર / 1 ફેબ્રુઆરીથી આવશે આ મોટા બદલાવ, તમારા ખિસ્સા પર કરશે અસર

• બજેટમાં આવી શકે છે આ મોટા ફેરફાર
• નિર્મલા સીતારમણ આ વર્ષે જાહેર કરશે બજેટ
• 1 ફેબ્રુઆરીથી તમારા ખિસ્સા પર વધી શકે છે આ ભાર

LICની 23 પોલીસી થઈ રહી છે બંધ

LIC 31 જાન્યુઆરી બાદ 23 પોલીસી બંધ કરી રહી છે. એટલે કે 1 ફેબ્રુઆરી 2020થી LICની પોલીસી મળવાનું બંધ થશે. નવેમ્બર 2019ના અંતમાં પણ ભારતીય વીમા નિયામક અને વિકાસ પ્રાધિકરણે જીવન વીમા કંપનીઓને એ લાઈફ ઈન્શ્યોરન્સ અને રાઈડર્સને બંધ કરવાનું કહ્યું હતું જે નવા પ્રોડક્ટ્સ ગાઈડલાઈન્સને અનુરૂપ ન હતા. આ પહેલાં આ કંપનીઓના આ પ્રોડક્ટ્સને પરત લેવાની છેલ્લી તારીખ 30 નવેમ્બર 2019 રાખવામાં આવી હતી. ત્યારબાદ તેને 31 જાન્યુઆરી સુધી વધારવામાં આવી હતી. 

આ સ્માર્ટફોન્સ પર સપોર્ટ નહીં કરે વોટ્સએપ

1 ફેબ્રુઆરીથી જૂના એન્ડ્રોઈડ સ્માર્ટફોન્સ અને આઈઓએસ ઓપરેટિંગ સિસ્ટમના સ્માર્ટફોનમાં વોટ્સએપ સપોર્ટ નહીં કરે. વોટ્સએપએ ગયા વર્ષે આ જાહેરાત કરી હતી, એન્ડ્રોઈડ 2.3.7ના વર્ઝનમાં પણ વોટ્સએપ ચાલશે નહીં. તેમના કારણે યૂઝર્સ વોટ્સએપનું નવું એકાઉન્ટ બનાવી શકશે નહીં. સાથે જ વોટ્સએપ એકાઉન્ટને વેરિફાઈ પણ કરી શકશે નહીં. 

મોબાઈલ ફોન સહિતની 50 વસ્તુઓ થશે મોંઘી

1 ફેબ્રુઆરી 2020ના રોજ મોદી સરકાર બજેટ રજૂ કરશે. સરકાર ઘરેલૂ ઈન્ડસ્ટ્રીને બૂસ્ટ આપવા માટે ઓછામાં ઓછી 50 વસ્તુઓ પર ઈમ્પોર્ટ ડ્યૂટી વધારી શકે છે. સરકાર બજેટમાં ઈમ્પોર્ટ ડ્યૂટી વધારવાનો નિર્ણય કરે છે તો પછી ઈલેક્ટ્રોનિક્સ, ઈલેક્ટ્રિકલ ગુડ્સ, કેમિકલ્સ અને હેન્ડીક્રાફ્ટની ચીજો મોંઘી થઈ શકે છે. મોબાઈલ ફોન, ચાર્જર, ઈન્ડસ્ટ્રીયલ કેમિકલ, લેમ્પ, લાકજાના ફર્નિચર, કેન્ડલ, આર્ટિફિશ્યલ જ્વેલરી અને હેન્ડીક્રાફ્ટના આઈટમ મોંઘા થઈ શકે છે. આ સાથે જ મોબાઈલ ફોનની કિંમતમાં પણ વધારો થઈ શકે છે. 

રસોઈ ગેસના બદલાશે ભાવ

1  ફેબ્રુઆરીએ એલપીજી એટલે કે રસોઈ ગેસના ભાવમાં ફેરફાર થાય છે. એર ટર્બાઇન ફ્યુઅલ (એટીએફ) ના ભાવ પણ બદલાય છે. આંતરરાષ્ટ્રીય સ્તરે ગેસના ભાવમાં ફેરફારની અસર સ્થાનિક બજાર પર પડે છે. એલપીજી સિલિન્ડર અને એર ઓઇલના ભાવ દર મહિનાની પ્રથમ તારીખે બદલાય છે.

હડતાળ પર રહેશે બેંક કર્મી

1 ફેબ્રુઆરીએ બેંકો દેશભરમાં હડતાલ પર ઉતરશે. કામદારો તબક્કાવાર હડતાળની તૈયારી કરી રહ્યા છે. પ્રથમ તબક્કામાં કર્મચારીઓ બે દિવસની હડતાળ પર ઉતરી રહ્યા છે. જે દિવસે નાણાં પ્રધાન દેશનું બજેટ રજૂ કરશે. તે દરમિયાન પણ બેંક કાર્યકરો હડતાળ પર રહેશે.