પ્રોવિડન્ટ ફંડ ખાતાધારકો માટે મહત્વના સમાચાર છે. ઇપીએફઓએ તમારા પીએફ એકાઉન્ટને લઈને મોટો નિર્ણય લીધો છે. 1 જૂન 2021થી તમારા પીએફ એકાઉન્ટ્સ પર નવા નિયમો લાગુ થશે.
પીએફ ખાતાધારકો માટે કામના સમાચાર
પીએફ એકાઉન્ટને લઈને મોટો નિર્ણય લીધો છે
1 જૂન 2021થી તમારા પીએફ એકાઉન્ટ્સ પર નવા નિયમો લાગુ થશે
એમ્પ્લોઇઝ પ્રોવિડન્ટ ફંડ ઓર્ગેનાઇઝેશન 1 જૂન 2021થી પીએફ સબસ્ક્રાઇબર્સ માટે એક નવો નિયમ અમલમાં લાવી રહી છે. જો આ નિયમની શરતોને પૂર્ણ કરવામાં નહીં આવે, તો કર્મચારીને ભારે નુકસાન સહન કરવું પડી શકે છે. આવી સ્થિતિમાં જરૂરી છે કે કર્મચારીએ તેના એમ્પ્લોયર સાથે આ વિશે વાત કરીને આ શરતને ફટાફટ પૂરી કરી દે. હકીકતમાં, નવા નિયમ હેઠળ ઇપીએફઓએ એમ્પ્લોયરને પીએફ ખાતાને આધાર સાથે લિંક કરવાની જવાબદારી આપી છે. જો એમ્પ્લોયર આ કરી નહીં શકે, તો ગ્રાહકના ખાતામાં કંપનીનો ફાળો (પીએફ કોન્ટ્રીબ્યુશન) રોકી શકાય છે.
આધાર સાથે યૂએએન વેરિફાઈ કરવું છે જરૂરી
ઇપીએફઓના નવા નિયમ મુજબ, પીએફ સબ્સ્ક્રાઇબર્સનું યૂએએન પણ આધારથી વેરિફાઈડ હોવું જોઈએ. ઇપીએફઓએ આ નિર્ણય સામાજિક સુરક્ષા સંહિતાની કલમ -142 હેઠળ લીધો છે. એમ્પ્લોયરોને સૂચના આપવામાં આવી છે કે જો કોઈ એકાઉન્ટ આધાર સાથે લિંક થયેલ નથી અથવા યૂએએન આધારમાંથી વેરિફાઈડ થઈ શક્યું નથી, તો 1 જૂન 2021 પછી ઇલેક્ટ્રોનિક ઇન્વોઈસ અને રીટર્ન (ઇસીઆર) ફાઇલ કરી શકાશે નહીં. આ કારણોસર, સબ્સ્ક્રાઇબર્સ માટે તેમના પીએફ એકાઉન્ટને આધાર સાથે લિંક કરવું મહત્વપૂર્ણ બન્યું છે.
ઘરે બેઠા પીએફને આધાર સાથે લિંક કરો
સૌ પ્રથમ તમારે ઇપીએફઓ વેબસાઇટ www.epfindia.gov.in પર લોગિન કરવું પડશે.
પછી Online Services >> e-KYC Portal>> link UAN aadhar પર ક્લિક કરવું પડશે.
અહીં તમારે UNA એકાઉન્ટ સાથે નોંધાયેલ તમારો મોબાઇલ નંબર અપલોડ કરવો પડશે.
હવે તમને તમારા મોબાઇલ નંબર પર ઓટીપી નંબર મળશે.
ઓટીપી બોક્સમાં ઓટીપી નંબર ભર્યા પછી નીચે આપેલા આધાર બોક્સમાં તમારો 12 અંકનો આધાર નંબર ભરો, પછી તે ફોર્મ સબમિટ કરો.
હવે તમારી પાસે ઓટીપી વેરિફિકેશન વિકલ્પ હશે. તેના પર ક્લિક કરો.
હવે ફરી એકવાર તમારે તમારા આધારની વિગતો ચેક કરવા તમારા આધાર સાથે જોડાયેલા મોબાઇલ નંબર અથવા મેલ પર ઓટીપી જનરેટ કરવો પડશે.
ચકાસણી કર્યા પછી તમારો આધાર તમારા પીએફ એકાઉન્ટ સાથે લિંક થશે.