PM અને રાષ્ટ્રપતિના ફોટાનો દુરઉપયોગ કરવા માટે હવે 6 મહિનાની કેદની સજા થઈ શકે છે. ખાનગી કંપનીઓ પોતાની જાહેરાતોમાં પીએમ મોદીના ફોટાનો ઉપયોગ કરવા લાગી છે. જેને લઈને કેન્દ્ર સરકાર સચેત બની છે અને પહેલી વાર પ્રતીક અને નામ (અયોગ્ય ઉપયોગના નિવારણ)કાયદો-1950માં પહેલી વાર સજાની જોગવાઈ લાવી રહી છે. આ સાથે જ દંડની રકમ પણ 1000 ગણી વધારીને 5 લાખ રૂપિયાની કરી દેવામાં આવશે.
કેન્દ્ર સરકાર લાવી રહી છે નવો કાયદો
PM મોદી અને રાષ્ટ્રપતિના ફોટાનો દુરઉપયોગ કરવા માટે થશે સજા અને દંડ
કાયદાના વારંવારના ઉલ્લંઘન માટે થશે 6 મહિનાની સજા
પહેલીવાર ઉલ્લંન માટે કરાશે 1 લાખ રૂપિયાનો દંડ
મંત્રાલયે 7 દાયકા જૂના નિયમમાં કર્યો સુધારો
ગ્રાહક બાબતોના મંત્રાલયે સાત દાયકા જુના કાયદામાં સુધારાની મુસદ્દો તૈયાર કર્યો છે. કાયદા મંત્રાલયે આ અંગે પોતાની સંમતિ આપી દીધી છે. લોકોનો અભિપ્રાય લીધા બાદ ડ્રાફ્ટ કેન્દ્રિય મંત્રીમંડળને મોકલવામાં આવશે. સરકારના પ્રયત્નોને સંસદના જ શિયાળુ સત્રમાં પસાર કરવો પડશે.
2 કંપનીઓ વિરુદ્ધ કરવામાં આવી હતી કાર્યવાહી
હાલના વર્ષોમાં પીએમ નરેન્દ્ર મોદીની તસવીરોનો જાહેરાતોમાં ઉપયોગ કરવા અંગેનો વિવાદ સર્જાયો હતો. ત્યારે સરકારે જાહેરાતમાં પીએમની તસવીરો મૂકી દેશની બે મોટી કંપનીઓ વિરુદ્ધ કાર્યવાહી કરી. જો કે, કાયદામાં ફેરફાર નજીવા આર્થિક દંડની અસર જોવા માટે બનાવવામાં આવ્યો હતો.
પહેલી વાર કાયદો તોડવા માટે થશે 1 લાખ રૂપિયાનો દંડ
ડ્રાફ્ટમાં પહેલી વાર ઉલ્લંઘન બદલ 1 લાખ રૂપિયા દંડને માટે નક્કી કરાયા છે અને એક કરતા વધુ ભૂલ કરવા બદલ 5 લાખ રૂપિયા સુધીના દંડની જોગવાઈ છે. કાયદાના વારંવાર ઉલ્લંઘનને કારણે 3 થી 6 મહિના સુધીની કેદ થઈ શકે છે.
આ કારણે જરૂરી છે કાયદો
પ્રતીક અને નામનું અધિનિયમ એ વડાપ્રધાન અને રાષ્ટ્રપતિ જેવા હોદ્દા પર બેઠેલા વ્યક્તિઓની ગૌરવની સાથે રાષ્ટ્રીય પ્રતીકો અને ઐતિહાસિક મહત્વની ચીજવસ્તુઓનું જતન છે. આ કાયદાનો હેતુ તેમના વ્યવસાયિક ઉપયોગને અટકાવવાનો છે.