તમને ખબર છે? / તમારા નવા ફોનમાં રહેલી આ એપ્સ કરી રહી છે તમારી જાસૂસી, બચવા માટે આજે જ કરો આ કામ

• તમારા સ્માર્ટફોનમાં પહેલાથી આવી છે આ એપ્સ? 
• તો આજે જ કરી નાખો ડિલિટ 
• કરે છે તમારી જાસૂસી 

નાની મોબાઈલ કંપનીઓ તો બ્લોટવેયર (પહેલાથી ઈન્સ્ટોલ એપ) માટે બદનામ છે જ પરંતુ જ્યારે 80-90 હજાર રૂપિયા વાળા પ્રીમિયમ સ્માર્ટફોનમાં પણ પહેલાથી મોબાઈલમાં એપ ઈન્સ્ટોલ મળે. ત્યારે મુશ્કેલી થાય છે. એપલ સિવાય દરેક કંપનીઓના સ્માર્ટફોનમાં પહેલાથી જ ઘણી એપ્સ ઈન્સ્ટોલ કરીને આપવામાં આવે છે. પરંતુ આ એપ તમારા માટે ખૂબ જ ખતરનાક છે. ફોનમાં પહેલાથી ઈન્સ્ટોલ ઓપ તમારી જાસૂસી કરી શકે છે અને તમારો પર્સનલ ડેટા ચોરી કરી શકે છે. એક રિસર્ચમાં તેનો ખુલાસો કરવામાં આવ્યો છે.  

લિસ્ટમાં ફેસબુક અને ગુગલ જેવી એપ્સનું પણ નામ 
ડબલિનના ટ્રિનિટી કોલેજમાં કરવામાં આવેલા એક રિસર્ચ અનુસાર તમામ કંપનીઓના ફોનમાં પહેલાથી ઈન્સ્ટોલ્ડ એપ ચુપકેથી યુઝર્સનો ડેટા પોતાના સર્વર પર સ્ટોર કરી રહ્યા છે. આ એપ્સ સ્ક્રીન, બેબ એક્ટિવિટી, ફોન કોલ, ડિવાઈઝ આઈડેન્ટિફાયર જેવી જાણકારીઓને સ્ટોર કરે છે. આ રિપોર્ટને તૈયાર કરવા માટે સેમસંગ, શાઓમી, હુવાવે અને રિયલમી, લિનેઝ OS અને e/OSના મોકલવામાં આવેલા ડેટાનો ઉપયોગ કરવામાં આવ્યો છે. જે એપ્સ પર જાસુસીનો આરોપ છે તેમાં ગુગલ, ફેસબુક અને માઈક્રોસોફ્ટ એપ્સનું નામ શામેલ છે. આ રિપોર્ટને 'એન્ડ્રોયડ મોબાઈલ OS સ્નૂપિંગ બાય સેમસન્ગ, શાઓમી, હુવાવે અને રિયલમી હેડ સેટ'ના નામથી પ્રકારશિત કરવામાં આવી છે. 

દરેક એપ્સને નથી કરી શકાતી અનઈન્સોટલ 
ફોનમાં પહેલાથી જ ઈન્સ્ટોલ આવનાર અમુક એપ્સને તો તમે અન ઈન્સ્ટોલ કરી શકો છો પરંતુ અમુક એપ્સ એવી પણ હોય છે જેને તમે ડિલિટ અથવા અનઈન્સ્ટોલ ન કરી શકો. રિપોર્ટમાં કહેવામાં આવ્યું છે કે શાઓમીના ફોનમાં આવનાર દરેક પ્રી-ઈન્સ્ટોલ એપ, એપ સ્ક્રીનની ડિટેલ્સ શાઓમીને મોકલે છે. જેમાં દરેક એપ પર પસાર કરવામાં આવતા સમયની જાણકારી આપવામાં આવે છે. રિપોર્ટમાં દાવો કરવામાં આવ્યો છે કે આ ડેટાને સિંગાપુક અને યુરોપની બહાર પણ મોકલવામાં આવશે. આ પ્રકારની જાણકારી સેમસંગ અને અન્ય કંપનીઓ પણ સ્ટોર રાખે છે. જોકે રિસર્ચમાં એવું પણ કહેવામાં આવ્યું છે કે આ એક પ્રકારની ઈકોસિસ્ટમ પણ છે જેમાં ફોનથી ડેટાને અલગ અલગ કંપનીઓને મોકલવામાં આવે છે, જેથી ડેટાનો ઉપયોગ ભવિષ્યમાં આવનાર કોઈ પણ ફિચર માટે થઈ શકે છે. 

હાલ બચવાની રીત શું છે? 
આજકાલ પ્રીમિયમ સ્માર્ટફોનમાં પણ ફેસબુક, ગુગલ, એમેઝોન, વોટ્સએપ, સ્પોટિફાઈ જેવી એપ્સ પ્રી-ઈન્સોટલ આવી રહી છે. એવામાં તમારા માટ જરૂરી છે કે ફોનમાં પહેલાથી ઈન્સ્ટોલ આવનાર એપસનો ઉપયોગ ન કરો. જેને એપનો ઉપયોગ કરવો છે પહેલા તેને ડિલિટ અથવા અન ઈનસ્ટોલ કરો અને પછી ગુગલ પ્લે-સ્ટોરથી આ એપને ડાઉનલોડ કરો, ત્યાર બાદ જ તેને લોગિન કરા ઉપયોગ કરો.