લાઈફસ્ટાઈલ / લોકો બાથરુમમાં કેમ વધારે સમય વીતાવે છે? સામે આવી ગયું સત્ય, રિસર્ચમાં ખુલાસો

તમે જોયું હશે કે લોકો ઘણીવાર બાથરૂમમાં વધુ સમય વિતાવે છે. આ માત્ર નહાવા કે ધોવા માટે નથી, પરંતુ તેની પાછળ ઘણા રસપ્રદ કારણો છે. એક નવા સંશોધનમાં આ વાત સામે આવી છે. આજના વ્યસ્ત જીવનમાં દરેક વ્યક્તિને થોડી શાંતિની જરૂર હોય છે. તણાવથી બચવા માટે લોકો એવી જગ્યાઓ શોધે છે જ્યાં તેઓ શાંતિથી થોડી ક્ષણો વિતાવી શકે. બાથરૂમ એક એવી જગ્યા બની ગઈ છે, જ્યાં લોકો વધારે સમય વિતાવે છે.

જાણો શું કહે છે રિસર્ચઃ

વિલેરોય એન્ડ બોચ નામની બાથરૂમ બનાવતી કંપની એ જાણવા માંગતી હતી કે લોકો બાથરૂમમાં આટલો સમય કેમ વિતાવે છે. તેઓએ 2000 થી વધુ લોકો સાથે વાત કરી અને જાણવા મળ્યું કે મોટાભાગના લોકો, ખાસ કરીને યુવાનો, આરામ કરવા માટે બાથરૂમમાં જાય છે. સંશોધનમાં જાણવા મળ્યું છે કે 43% લોકો શાંતિ માટે બાથરૂમમાં સમય વિતાવે છે અને 13% લોકો તેમના પાર્ટનરથી અલગ સમય પસાર કરવા માટે આમ કરે છે.

વધુ વાંચોઃ- ઘરમાં સુંદરતાની ચાવી ! આ ફળની છાલથી બની જશો અપ્સરાં જેવા, બચશે બ્યૂટી પાર્લરના પૈસા

લોકો બાથરૂમમાં કરે છે આ કામ

આ રિસર્ચના અનુસાર, એક સામાન્ય બ્રિટિશ વ્યક્તિ સ્ત્રીઓ કરતાં બાથરૂમમાં વધુ સમય વિતાવે છે. તેઓ દર અઠવાડિયે સરેરાશ બે કલાક બાથરૂમમાં વિતાવે છે, જ્યારે સ્ત્રીઓ એક કલાક બેતાલીસ મિનિટ વિતાવે છે.

શાંતિ માટે લોકો બાથરૂમમાં જાય છે

બ્રિટિશ એસોસિએશન ફોર કાઉન્સેલિંગ એન્ડ સાયકોથેરાપીના સભ્ય જ્યોર્જીના સ્ટર્મરે શાંતિ માટે લોકો બાથરૂમમાં જાય છે તે સમજાવ્યું. તેમણે કહ્યું કે જ્યારે જીવન ખૂબ જ વ્યસ્ત અને તણાવપૂર્ણ બની જાય છે ત્યારે દરેકને થોડી શાંતિની જરૂર હોય છે. તેથી લોકો બાથરૂમમાં વધારે સમય પસાર કરે છે.