ગુજરાત સરકાર દ્વારા ધારાસભ્યોને મોટી ભેટ આપવામાં આવી છે. ગાંધીનગરમાં સેક્ટર 17માં ધારાસભ્યો માટે હવે નવા નિવાસસ્થાન બનશે. જેમા 9 માળના કુલ 12 ટાવરો બનાવામાં આવશે.
ધારાસભ્યો માટે ગાંધીનગરમાં બનશે નવા ક્વાટર્સ
140 કરોડના ખર્ચે બનાવામાં આવશે નવા નિવાસ સ્થાન
9 માળના કુલ 12 ટાવરો બનાવામાં આવશે
ગુજરાતના ધારસભ્યો માટે મોટા સમાચાર સામે આવી રહ્યા છે. જેમા રાજ્યના ધારાસભ્યો માટે હવે અત્યાધુનિક નિવાસસ્થાનો બનાવાનો ટાર્ગેટ રાખવામાં આવ્યો છે. આગામી 28 ફેબ્રુઆરી 2022ના રોજ નવા MLA ક્વાટર્સનું ભૂમિપૂજન થશે.
140 કરોડના ખર્ચે બનાવાશે નવા નિવાસસ્થાન
ગાંધીનગરમાં ધારાસભ્યો માટે નવા ક્વાટર્સ બનાવાનો નિર્ણય લેવામાં આવ્યો છે. જે ક્વાટર્સમાં તેમના માટે તમામ પ્રકારની સુવિઘા રાખવામાં આવશે. ગાંધીનગરમાં 9 માળના 12 ટાવર બનાવનો ટાર્ગેટ રાખવામાં આવ્યો છે. જેમા 140 કરોડના ખર્ચે ધારાસભ્યો માટેના ક્વાટર્સ તૈયાર કરવામાં આવશે.
ગાંધીનગરના સેક્ટર 17માં બનશે નવા ક્વાટર્સ
ગાંધીનગરમાં આવેલ સેક્ટર 17 ખાતે નવા MLA ક્વાટર્સને તૈયાર કરવામાં આવશે તેવી માહિતી માર્ગ અને મકાન વિભાગના મંત્રી પૂર્ણેશ મોદી દ્વારા આપવામાં આવી છે. કુલ 140 કરોડના ખર્ચે આ નવા ક્વાટર્સ બનાવામાં આવશે જે અદ્યતન સુવિધાઓથી સજ્જ હશે. સાથેજ 28 હજાર ચો. મીટરમાં ધારાસભ્યો માટેના નિવાસ સ્થાન તૈયાર કરવામાં આવશે. જેમા કુલ 210 ચોરસ બિલ્ડ અપ એરિયામાં એક
ક્વાટર્સ તૈયાર કરવામાં આવશે.
નવા ક્વાટર્સ અદ્યતન સુવિધાઓથી સજ્જ
ઉલ્લેખનીય છે કે ધારાસભ્યોને જે આવાસ આપવામાં આવશે તેમા 4 બેડરૂમ, એક રીડિંગ રૂમ રાખવામાં આવશે. સાથેજ હોલ, કિચન, ડાઈનિંગ રૂમ અને ડ્રાઈવર માટે રૂમની સુવિધા પણ આપવામાં આવશે. જે ક્વાર્ટર ધારાસભ્યોને ફાળવવામાં આવશે ત્યા બે ગાર્ડન રાખવામાં આવશે. સાથેજ ત્યા ઓડિટોરિમ અને હેલ્થ ક્લબ પણ રાખવામાં આવશે ઉપરાંત ધારાસભ્યોને કેન્ટીંગ , વોકિંગ ટ્રેક, અને પ્લેગ્રાઉન્ડની સુવિધા પણ આપવામાં આવશે.