Wednesday, June 26, 2019
સબસ્ક્રાઈબ કરો VTVGujarati ન્યુઝ Whatsapp

ફીચર / પબજીના નવા અપડેટમાં આવી નવી એન્ટી ચિટ સિસ્ટમ: હેકર્સ હવે આસાનીથી પકડાઇ જશે

પબજીના નવા અપડેટમાં આવી નવી એન્ટી ચિટ સિસ્ટમ: હેકર્સ હવે આસાનીથી પકડાઇ જશે

દુનિયાભરમાં કરોડો લોકો જેના દિવાના છે તે પબજીનું નવું અપડેટ 0.13.0 આવી ગયું છે. ડેથમેચ મોડ અને કેટલાક નવા ફિચર્સ ઉપરાંત પબજીના જેન્યુઇન પ્લેયર્સ ખુશ થાય તેવું સૌથી મહત્વનું ફિચર છે એન્ટી ચિટ સિસ્ટમ. નામ જ સુચવે છે આ અપડેટ પબજી હેક કરીને રમતા ચિટરોને રોકવા માટે છે.

પબજી પર હજારો-લાખોની સંખ્યામાં પ્લેયર જીતવા માટે ગેમ હેક કરીને રમે છે. આવા હેકર તમારી સામે આવે તો તમે તેને રિપોર્ટ કરી શકો છો. ગેમના ડેવલપર્સ આવા પ્લેયરને બેન પણ કરે છે. જોકે હેકર્સ નવા આઇડી અને નવા નામ સાથે પાછા મેદાનમાં આવી જાય છે.

હેકર્સ ટેન્સેન્ટ ગેમીંગ બડીને વાયપાસ કરીને રમે છે. જેથી ઇમ્યુલેટર સાથે રમતા પ્લેયર્સ સામે આવે છે. હેકર્સ એમીબોટનો ઉપયોગ કરે છે જેનાથી એનેમીનો એઇમ લેવાનું એકદમ આસાન થઇ જાય છે. તેનાથી દુશ્મનનો હેડ શોટ પણ આસાનીથી લઇને તેને એક જ ફાયરમાં નોક કે કીલ કરી શકાય છે.

આ ઉપરાંત હેકર્સ વોલ હેક કરે છે જેમાં દિવાલની આરપાર ફાયર કરીને દુશ્મનને નિશાન બનાવી શકાય છે. કીલ થનાર પ્લેયર સમજી શકતો નથી કે તેને કોણે અને કેવી રીતે ગોળી મારી. આ ઉપરાંત લોકેશન હેક પણ થાય છે જેમાં દુશ્મનનું લોકેશન પહેલેથી જ ખબર પડી જાય છે. પછી ભલે તે મકાન કે પહાડોની પાછળ છુપાયો હોય.

પબજીના ડેવલપર્સે થોડા દિવસ પહેલા પોસ્ટ મુકી હતી કે હેકીંગ અંગે મળતી ફરિયાદોને અમે ગંભીરતાથી લઇએ છીએ. કોઇપણ પ્લેયર ચીટીંગ કરતા પકડાશે તેના એકાઉન્ટ પર દસ વર્ષનો પ્રતિબંધ મુકાશે. પબજીમાં નવા અપડેટથી હાલ તો પ્રામાણિકતાથી રમતા પ્લેયર ખુશ છે. જોકે હેકર્સ ઘણી વખત બે ડગલા આગળ ચાલતા હોય છે. હવે જોવાનું એ રહે છે કે પબજીની એન્ટી ચીટ સિસ્ટમ કેટલી કામયાબ રહે છે. 

PUBG Anti Cheat System Pubg game technology news

જોવા જેવું વધુ જુઓ

બ્રેકિંગ ન્યૂઝ