રાજુલાઃ અમરેલી જિલ્લાની કોંગ્રેસ શાસિત રાજુલા નગરપાલિકાની ચૂંટણીમાં કોંગ્રેસના 27 સદસ્યો ચૂંટાયા હતા જ્યારે ભાજપના એક સદસ્ય ચૂંટાયા હતા. ત્યાર બાદ પ્રથમ પ્રમુખ તરીકે મહિલા અનામત હોવાને કારણે મીનાબેન વાઘેલાની વરણી કરવામાં આવી હતી.
ત્યાર બાદ અહીં કોંગ્રેસમાં ભંગાણ થયું હતું. અને પ્રમુખ મીનાબેન વાઘેલા સામે અવિશ્વાસની દરખાસ્ત મુકવામાં આવી હતી. 10 દિવસ પહેલા અવિશ્વાસ પસાર થઈ ત્યાર બાદ આજે પ્રાંત અધિકારી ડાભીના અધ્યક્ષ સ્થાને સામાન્ય સભા મળી હતી.
જેમાં 18 સદસ્યો હાજર રહ્યા હતા અને સર્વાનુમતે પ્રમુખ તરીકે બાઘુબેન બાલાભાઈ વાણીયાની વરણી થતા કોંગ્રેસના સદસ્યો અને કાર્યકરો દ્વારા સન્માન કરી મોં મીઠા કરવામાં આવ્યાં હતાં.