Happy Birthday / સુપરસ્ટાર યશના જન્મ દિવસે રિલીઝ થયુ 'KGF: Chapter 2' નું નવુ પોસ્ટર, સોશ્યલ મીડિયામાં થયું ટ્રેન્ડ

• કન્નડ સિનેમાના સુપરસ્ટાર યશનો આજે જન્મ દિવસ
• ફિલ્મ ફ્રેન્ચાઈઝી કેજીએફના બીજા પાર્ટનું નવુ પોસ્ટર રિલીઝ
• યશના જન્મ દિવસે ટ્વિટર પર ચાહકોએ આપી શુભેચ્છા

આજે સુપરસ્ટાર યશનો જન્મ દિવસ

યશના ચાહકો તેમને સતત શુભેચ્છા મોકલી રહ્યાં છે. આ ફિલ્મની રિલીઝ ડેટમાં પણ કોઈ ફેરફાર કરવામાં આવ્યો નથી. આ તેની જૂની ડેટ પર જ રિલીઝ થશે. આજે સવારે કેજીએફના નિર્માતાએ સુપરસ્ટાર યશના જન્મ દિવસે તેની આ ફિલ્મનું એક પોસ્ટર શેર કર્યુ છે. પોસ્ટરની સાથે તેમણે યશને શુભેચ્છા આપી છે. ફિલ્મના નિર્દેશક પ્રશાંત નીલે પોસ્ટર શેર કરી લખ્યું છે કે આગળ જોખમ છે. જન્મ દિવસની ખૂબ ખૂબ શુભેચ્છાઓ મારા રૉકી. હું આ મોન્સ્ટરથી આખી દુનિયાને પરિચય કરાવવાની રાહ હવે જોઈ શકતો નથી. આ ફિલ્મના હિન્દી વર્ઝનને પ્રોડ્યુસ કરી રહેલી ફરહાન ખાનની એક્સેલ એન્ટરટેઈન્મેન્ટે પણ યશને આ પોસ્ટર દ્વારા શુભેચ્છા આપી છે.

Caution ⚠️ Danger ahead !
Happy Birthday my ROCKY @Thenameisyash.

Can't wait for this monster to conquer the world on April 14th, 2022.#KGFChapter2 #KGF2onApr14 #HBDRockingStarYash pic.twitter.com/uIwBZW8j3F

— Prashanth Neel (@prashanth_neel) January 8, 2022

યશનો જન્મ દિવસ ટ્વિટર પર ટોપ ટ્રેન્ડમાં

આજે યશના જન્મ દિવસના રોજ આખા ટ્વિટર પર યશના જન્મ દિવસની શુભેચ્છાઓથી ભરપૂર થયુ છે. જેના કારણે #HBDRockingStarYash ટ્વિટર પર ટૉપ ટ્રેન્ડમાં છે. તો #KGFChapter2 ચોથા નંબરે છે. આ ફિલ્મને લઇને ફક્ત સાઉથમાં નહીં, પરંતુ આખા દેશના દરેક ખૂણે આતુરતા છે. આ જ કારણ છે કે યશ હવે આખા ભારતના સુપરસ્ટાર થયા છે. તેમણે આખા દેશના સિનેજગતના પ્રેમીઓને પોતાના અંદાજથી દીવાના બનાવી દીધા છે. યશની આ ફિલ્મ 2018માં રિલીઝ થઇ હતી અને આ ફિલ્મે ફક્ત સાઉથમાં નહીં પરંતુ હિન્દી ભાષામાં પણ સારી કમાણી કરી હતી.