ચંદ્રયાન 2 મિશન પર રોવરને લઈને રવાના થયેલું વિક્રમનું સોફ્ટ લેન્ડિંગના પ્રયાસ વિફળ રહ્યા હોવાના સમાચાર 10 મહિના પહેલાં આવ્યા હતા. હવે અત્યારે નાસાથી આવેલા ફોટોને લઈને ફરીથી ઈસરોને નવી આશા જાગી છે.
ચંદ્રયાન 2ને લઈને ઈસરોને જાગી નવી આશા
10 મહિના બાદ નાસાથી આવી નવી તસવીર
પ્રજ્ઞાનના કેટલાક મીટર આગળ વધ્યાના મળ્યા સંકેત
ગયા વર્ષે નાસાના ફોટોનો ઉપયોગ કરીને વિક્રમના કાટમાળની ઓળખ કરનારા ચેન્નાઈના વૈજ્ઞાનિક શનમુગ સુબ્રમણ્યને ભારતીય અંતરિક્ષ એજન્સીને ઈમેલ કરીને દાવો કર્યો છે કે મે મહિનામાં નાસા દ્વારા મોકલાયેલા ફોટોથી પ્રજ્ઞાનના કેટલાક મીટર આગળ વધવાના સંકેત મળ્યા છે.
ઈસરોના પ્રમુખ કે. સિવને એ વાતની પુષ્ટિ કરતાં કહ્યું છે કે અત્યારે અમને નાસાથી કોઈ જાણકારી મળી નથી. પરંતુ જે વ્યક્તિએ વિક્રમના કાટમાળની ઓળખ કરી હતી તેને વિશે અમને ઈમેલ કરાયો હતો. અમારા વિશેષજ્ઞ આ બાબતનું અવલોકન કરી રહ્યા છે. અત્યારે અમે આ વિશે કંઈ કહી શકીએ એમ નથી. શનમુગાએ કહ્યું છે કે 4 જાન્યુઆરીના ફોટોથી લાગે છે કે પ્રજ્ઞાન અખંડ રહ્યું છે અને તે લેન્ડરથી કેટલાક મીટર આગળ વધ્યું છે. અમારે એ જાણવાની જરૂર છે કે રોવર કેવી રીતે સક્રિય બન્યુ અને આશા રાખું છું કે ઈસરો જલ્દી જ તેની પુષ્ટિ કરશે.