નવા નિયમો / હવે પીએફ એકાઉન્ટ પર પણ વસૂલાશે ટેક્સ, EPFOએ જાહેર કર્યા નવા નિયમો, જાણો કોને પડશે લાગુ

• પીએમ એકાઉન્ટ પર હવે લાગશે ટેક્સ
• EPFOએ જાહેર કર્યા નવા નિયમો
• 1લી એપ્રિલથી બે ભાગમાં PF એકાઉન્ટ વિભાજિત થશે 

નોકરી કરનાર દરેક વ્યક્તિનું મોટેભાગે પીએફ એકાઉન્ટ હોય જ છે.  ત્યારે પીએફ એકાઉન્ટ ઘરાવનાર તમામ કર્મચારીઓ માટે ખાસ ધ્યાન આપવા જેવી વાત છે.  કારણ કે હવે પીએફ એકાઉન્ટ જેનુ હશે તેની પર પણ ટેક્સ લાગશે. જી હા, આ સાચી વાત છે. હવે પીએફ એકાઉન્ટ પર પણ ટેક્સ લાગશે. તમારા પગારનો અમુક હિસ્સો પીએફ ખાતામાં જમા થાય છે. પરંતુ હવે પીએફના નિયમોમાં કેટલાક નવા ફેરફાર થવા જઈ રહ્યા છે. 1 એપ્રિલ, 2022થી હાલના પીએફ ખાતાઓને બે ભાગમાં વહેંચી શકાય છે.

આ પીએફ ખાતા પર ટેક્સ લાગશે 

મહત્વનુ છે કે આ  સરકારે ગત વર્ષે સરકારે આવકવેરાના નવા નિયમો જાહેર કર્યા હતા. હવે આ અંતર્ગત પીએફ ખાતાઓને બે ભાગમાં વહેંચવામાં આવશે.  જેમાં કેન્દ્રને વાર્ષિક 2.5 લાખ રૂપિયાથી વધુના કર્મચારી યોગદાનના કિસ્સામાં પીએફની આવક પર ટેક્સ વસૂલવામાં આવશે. હકીકતમાં, નવા નિયમોનો હેતુ ઉચ્ચ આવક ધરાવતા લોકોને સરકારી કલ્યાણ યોજનાનો લાભ લેતા અટકાવવાનો છે.

શું છે PFના નવા નિયમો

• હાલના પીએફ ખાતાઓને ટેક્સેબલ અને નોન ટેક્સેબલ એમ બે ખાતામાં વિભાજિત કરવામાં આવશે.
• નોન ટેક્સેબલ એકાઉન્ટમાં તેમના બંધ ખાતાનો પણ સમાવેશ થશે કારણ કે તેની તારીખ 31 માર્ચ, 2021 છે.
• નવા PF નિયમો આગામી નાણાકીય વર્ષ એટલે કે 1 એપ્રિલ, 2022થી લાગુ થઈ શકે છે.
• વાર્ષિક ₹2.5 લાખથી વધુના કર્મચારીના યોગદાનમાંથી પીએફની આવક પર નવો કર લાગુ કરવા માટે IT નિયમો હેઠળ એક નવો વિભાગ 9D દાખલ કરવામાં આવ્યો છે.
• કરપાત્ર વ્યાજની ગણતરી માટે હાલના પીએફ ખાતામાં બે અલગ ખાતા પણ બનાવવામાં આવશે.

આ કરદાતાઓને કોઇ ચિંતા નહી

તમને જણાવી દઈએ કે આ નવા નિયમના અમલ બાદ મોટાભાગના પીએફ સબસ્ક્રાઈબર્સને 2.5 લાખ રૂપિયાની લિમિટનો ફાયદો થશે. પરંતુ નવા નિયમથી નાના અને મધ્યમ વર્ગના કરદાતાઓને કોઈ અસર થશે નહીં. આ મુખ્યત્વે ઉચ્ચ આવક ધરાવતા કર્મચારીઓને અસર કરશે. એટલે કે, જો તમારો પગાર ઓછો અથવા સરેરાશ છે, તો તમને આ નવા નિયમથી કોઈ ફરક પડશે નહીં