છેલ્લા ઘણા સમયથી ચર્ચા ચાલી રહી છે કે દેશની આઝાદીને 75 વર્ષ થવા જઈ રહ્યા છે તેમ છતાં દેશનું સંસદ ભવન ઘણું જૂનું છે. જેના કારણે તેમાં વિવિધ સમસ્યાઓ સામે આવી રહી છે. જ્યારે દેશ પોતાની આઝાદીની 75મી વર્ષગાંઠ ઉજવી રહ્યો હોય ત્યારે દેશને નવું સંસદ ભવન મળે. આ અંગે PM મોદીએ આ મામલે પોતાનો ડ્રીમ પ્લાન તૈયાર કરી લીધો છે.
આઝાદીની 75મી વર્ષગાંઠ પર સંસદને નવા ભવનમાં પહોંચાડવાની યોજના
કેન્દ્રીય આવાસ અને શહેરી કાર્યમંત્રાલયે કંપનીઓ પાસે માંગ્યા આવેદન
નક્કી નથી કે સંસદ ભવન તોડીને નવું બનાવાશે કે અલગ ભવન બનશે
પીએમ મોદીના ડ્રીમ પ્લાન પ્લાન હેઠળ સંસદ જ નહીં પણ કેન્દ્ર સરકારના તમામ મંત્રાલયની ઓફિસો પણ સામેલ છે. PM મોદીની ઈચ્છા છે કે જ્યારે દેશ 15 ઓગસ્ટ 2022એ આઝાદીની 75મી વર્ષગાંઠ ઉજવી રહ્યો હશે ત્યારે સાંસદો નવા સંસદ ભવનમાં બેસે. જેના માટે કેન્દ્રીય આવાસ અને શહેરી કાર્ય મંત્રાલયે રિક્વેસ્ટ ફોર પ્રપોઝલ જાહેર કરીને રાષ્ટ્રીય અને આંતરરાષ્ટ્રીય કંપનીઓ પાસે આવેદન મંગાવ્યું છે. કંપનીઓ પોતાની ડિઝાઈન, આર્કિટેક્ચર અને પ્લાનિંગ મામલે સરકારને જણાવશે. જે બાદ સરકાર 15 ઓક્ટોબર સુધીમાં ડિઝાઈન ફાઈનલ કરીને આગળ વધશે.
રાષ્ટ્રીય અને આંતરરાષ્ટ્રીય કંપનીઓ પાસે મંગાવ્યા પ્રપોઝલ
મોદી સરકારે નક્કી કર્યું છે કે દેશ 15 ઓગસ્ટ 2022માં પોતાની 75મી વર્ષગાંઠ ઉજવે ત્યારે તે નવા સંસદ ભવનમાં બેસે. આ માટે કેન્દ્રીય આવાસ અને શહેરી કાર્ય મંત્રાલયે RFP એટલે કે રિક્વેસ્ટ ફોર પ્રપોઝલ જાહેર કરીને રાષ્ટ્રીય અને આંતરરાષ્ટ્રીય કંપનીઓ પાસે ડિઝાઈન, પ્લાનિંગ અને આર્કિટેક્ચરને લઈને પ્લાનિંગ માંગ્યા છે. ઉલ્લેખનીય છે કે સરકાર 15 ઓક્ટોબર સુધી એક ડિઝાઈન પાઈનલ કરીને તેની પર આગળ વધશે. હાલ સુધી ન્કીક નથી કે હાલનું સંસદ ભવન તોડીને નવું ભવન બનાવાશે કે અલગથી નવું ભવન તૈયાર કરવામાં આવશે. કંપનીઓના પ્રસ્તાવના આધારે આ નિર્ણય લેવામાં આવશે.
નવું કોમન સેન્ટ્રલ સેક્રેટ્રિએટ
મોદી સરકારની ઇચ્છા છે કે એક કોમન સેન્ટ્રલ સેક્રેટ્રિએટ બનાવવામાં આવે. જેનાથી દરેક મંત્રાલયો, વિભાગો અને ઓફિસોમાં કોઓર્ડિનેશન સરળતાથી થઈ શકે, આ દરેક બિલ્ડિંગ એકસરખા હોવા જોઈએ. હાલમાં કેન્દ્ર સરકારના અલગ અલગ 47 મંત્રાલયો, વિભાગો અને ઓફિસોમાં 70000 કર્મચારીઓ કામ કરી રહ્યા છે. રાષ્ટ્રપતિ ભવનના બંને તરફ નોર્થ બ્લોક અને સાઉથ બ્લોક સિવાય શાસ્ત્રી ભવન, નિર્માણ ભવન, કૃષિ ભવન, ઉદ્યોગ ભવન જેવી અનેક ઈમારતો છે. જેમાં અલગ અલગ મંત્રાલયોની ઓફિસો છે.
નોર્થ બ્લોક અને સાઉથ બ્લોક તો ભૂકંપ નિરોધી નથી. દરેક ઓફિસમાં સમાનતા નથી. ક્યાંક તાર લટકે છે તો ક્યાંક પાણી ટપકે છે. કેન્દ્ર સરકારે પર્સનલ બિલ્ડિંગમાં ઓફિસો બનાવી રાખી છે જેનું વાર્ષિક ભાડું લગભગ 1000 કરોડ રૂપિયા છે.
વિશ્વ સ્તરીય સેન્ટ્રલ વિસ્ટા
રાષ્ટ્રપતિ ભવનથી લઈને ઈન્ડિયા ગેટ સુધીનો 3 કિમીનો વિસ્તાર સેન્ટ્રલ વિસ્ટા કહેવાય છે. આ દેશનું સૌથી મોટું ટૂરિસ્ટ સ્પોટ છે. જેને જોવા દેશ વિદેશથી લોકો આવે છે. સરકારની ઇચ્છા છે કે આ 3 કિમીના વિસ્તારને વિશ્વ સ્તરીય લૂક આપવામાં આવે. તેમાં વેન્ડરની સમસ્યા, પાર્કિંગની સમસ્યા, લોકોના બેસવાની સમસ્યા માટે પ્લાનિંગ કરીને કામ કરાશે. સરકાર ઈચ્છે છે કે નવેમ્બર 2020 સુધી આ કામ પૂરું કરી દેવામાં આવે.