Parliament Security: આજે વડાપ્રધાન નરેન્દ્ર મોદીએ નવા સંસદ ભવનને રાષ્ટ્રને સમર્પિત કર્યું છે. નવું સંસદ ભવન ખૂબ જ સુરક્ષિત છે. નવા સંસદ ભવનમાં થર્મલ ઇમેજિંગ સિસ્ટમ અને ફેસ રેકગ્નિશન સિસ્ટમવાળા કેમેરા લગાવવામાં આવ્યા છે.
પીએમ મોદીએ રાષ્ટ્રને સમર્પિત કર્યું નવનિર્મિત સંસદ ભવન
'બાજ'ની નજરથી નવા સંસદ ભવનની સુરક્ષા થશે
એન્ટી ડ્રોન અને એન્ટી મિસાઈલ સિસ્ટમથી સજ્જ નવું સંસદ ભવન
NSGના શાર્પશૂટર્સ સંસદ ભવનમાં 24 કલાક તૈનાત રહેશે
આકાશથી લઈને જમીન સુધી 24 કલાક 'બાજ'ની નજરથી નવા સંસદ ભવનની સુરક્ષા થશે. આ માટે ખાસ સાધનો લગાવવામાં આવ્યા છે. સંસદ ભવનમાં એન્ટી ડ્રોન અને એન્ટી મિસાઈલ સિસ્ટમ લગાવવામાં આવી છે. આ ઉપરાંત સંસદ પરિસરની અંદર કોઈપણ વાહનને ડ્રોનની મદદથી ટાર્ગેટ કરી શકાશે નહીં. સુરક્ષા સંબંધિત સૂત્રોનું કહેવું છે કે નવા સંસદ ભવનના ઉદ્ધાટન બાદ હવે હવે સંસદ ડ્યુટી ગ્રુપ (PDG), NSG, IB, ITBP અને સંસદ સુરક્ષા સેવા અને દિલ્હી પોલીસની સંખ્યામાં વધારો કરવામાં આવ્યો છે. સૌથી મોટી વાત એ છે કે નવું સંસદ ભવન સંપૂર્ણપણે ઈલેક્ટ્રોનિક સર્વેલન્સ સાધનોથી સજ્જ છે. જો ત્યાં કોઈ શંકાસ્પદ પ્રવૃત્તિ થાય છે, તો સેકન્ડોમાં તેની ખબર પડી જશે.
થર્મલ ઇમેજિંગ સિસ્ટમથી સજ્જ નવું સંસદ ભવન
નવા સંસદભવનમાં થર્મલ ઇમેજિંગ સિસ્ટમ અને ફેસ રેકગ્નિશન સિસ્ટમવાળા કેમેરા લગાવવામાં આવ્યા છે. આની મદદથી શંકાસ્પદ પ્રવૃત્તિને રોકવામાં મદદ મળે છે. અપડેટ CCTV સિસ્ટમ, 360 ડિગ્રી પર કામ કરે છે. ખાસ વાત એ છે કે જો કોઈ વ્યક્તિ કેમેરા ફેરવવાની વિરુદ્ધ દિશામાંથી સંસદ ભવન સંકુલમાં પ્રવેશવાનો પ્રયાસ કરશે તો પણ તે પકડાઈ જશે. જ્યારે એક કેમેરા વિરુદ્ધ દિશામાં ફરે છે, તે જ સમયે બીજો અને ત્રીજો કેમેરો પહેલા કેમેરાની દિશામાં આવે છે.
24 કલાક તૈનાત રહેશે NSGના શાર્પશૂટર્સ
સૂત્રોના જણાવ્યા અનુસાર, સંસદ ભવનમાં એવા ઈલેક્ટ્રોનિક ઉપકરણો પણ લગાવવામાં આવ્યા છે, જેની મદદથી સર્વેલન્સ સિસ્ટમની સાથે કોઈ પણ છેડછાડ થાય છે તો તરત જ શોધી કાઢવામાં આવશે. સંસદ ભવન સંકુલના કયા સેક્શનમાં આ છેડછાડ કરવામાં આવી છે, તે કંટ્રોલ પેનલની માહિતી સેન્ટ્રલ સર્વર પર આવી જાય છે. ઈલેક્ટ્રોનિક સર્વેલન્સ સિસ્ટમમાં તે તમામ બાબતોનું ધ્યાન રાખવામાં આવ્યું છે, જેનો ઉપયોગ કરીને દુશ્મન દેશ અથવા આતંકવાદી જૂથ હુમલાની યોજના બનાવે છે. એનએસજીના શાર્પશૂટર્સ સંસદભવનમાં 24 કલાક તૈનાત રહેશે. આ ઉપરાંત PDG, જે CRPFની એક પાંખ છે, તેની સંખ્યા પણ વધારવામાં આવી છે. સંસદ ભવન સંકુલની આસપાસની સુરક્ષા દિલ્હી પોલીસના શાર્પશૂટર્સ અને SWAT કમાન્ડોને આપવામાં આવી છે.
નવું સંસદ ભવન ખૂબ જ સુરક્ષિત
એક સુરક્ષા અધિકારીએ કહ્યું કે, નવા સંસદ ભવનની સુરક્ષા માટે સ્થાપિત એન્ટી ડ્રોન અને મિસાઈલ વિરોધી સિસ્ટમની સંપૂર્ણ માહિતી આપવી યોગ્ય નથી. અમે નથી ઈચ્છતા કે તે માહિતી દુશ્મન દેશ અથવા આતંકવાદી જૂથો સુધી પહોંચે. તેને ગુપ્ત રાખવામાં આવી છે. એટલું જ કહી શકાય કે નવું સંસદ ભવન ખૂબ જ સુરક્ષિત છે. કોઈપણ હવાઈ હુમલાથી બચવા માટે ડબલ પ્રોટેક્શન ગિયર હાજર રહેશે. ડ્રોન છે તો તેને ઈલેક્ટ્રોનિક સાધનો દ્વારા અને શૂટર દ્વારા પણ તોડી પાડવામાં આવશે. તમે એટલું જ સમજો કે આવી કોઈ વસ્તુ સંસદ ભવનની નજીક પણ આવી શકતી નથી. તેને અધવચ્ચે જ નષ્ટ કરવામાં આવશે.
સિક્યોરિટીને લઈને એક કોમન સેન્ટર સ્થાપિત
નવા સંસદભવનની સુરક્ષાને લઈને એક કોમન સેન્ટર હશે. તેની સાથે પીડીજી, આઈટીબીપી, ઈન્ટેલિજન્સ બ્યુરો, સ્પેશિયલ સિક્યુરિટી ગ્રુપ, એનએસજી અને દિલ્હી પોલીસના એકમોને જોડાયેલા હશે. સંસદ પરિસરમાં ક્યાંય પણ કોઈ અણગમતી ચેતવણી મળશે તો તેની માહિતી ઉપરોક્ત તમામ એજન્સીઓ સુધી પહોંચશે. ફેસ રેકગ્નિશન એલર્ટ પણ ઉપરોક્ત એજન્સીઓ સાથે શેર કરવામાં આવશે. પીડીજી જવાનોની સંખ્યા લગભગ 1700 રાખવામાં આવી છે. પીડીજીમાં CRPFના યુવા ઓફિસરોને તૈનાત કરવામાં આવ્યા છે. આ સેવામાં જોડાવા માટે આસિસ્ટન્ટ કમાન્ડન્ટની ઉંમર 38 વર્ષથી ઓછી હોવી જોઈએ. PDG સંસદ ભવન સંકુલની એકંદર સુરક્ષાનું ધ્યાન રાખે છે. તેના જવાનોને માત્ર આતંકવાદી હુમલાનો સામનો કરવા માટે તાલીમ આપવામાં નથી આવી, પરંતુ તેઓ કોઈપણ કુદરતી આફતને પહોંચી વળવામાં પણ નિષ્ણાત હોય છે. જો સંસદ સંકુલની વાત કરીએ તો હવે અહીં લગભગ 700 સીસીટીવી કેમેરા છે. તે ઈન્ટિગ્રેટેડ સિક્યુરિટી સિસ્ટમ પર કામ કરે છે. એટલે કે 24 કલાક તેમના પર નજર રાખવાની જરૂર નથી. અનેક જગ્યાએ વ્હીકલ સ્કેનર લગાવવામાં આવ્યા છે.