દિલ્હી / ટૂંક સમયમાં દેશને મળશે નવું સંસદ ભવન, જાણો મોદી સરકારનો 'ડ્રીમ પ્લાન'

• આકાર પામશે નવું સંસદ ભવન 
• નવું ત્રિકોણીય સંસદ ભવન લેશે આકાર 
• જૂની ઇમારત સામે જ થશે નવા સંસદ ભવનનું નિર્માણ 

આ ઉપરાંત કેન્દ્રીય સચિવાલય માટે 10 નવી ઇમારત બનાવવામાં આવશે. જ્યારે રાષ્ટ્રપતિ ભવન, વર્તમાન સંસદ ભવન, ઇન્ડિયા ગેટની ઇમારત યથાવત્ અને અકબંધ રાખવામાં આવશે. 

નવું ત્રિકોણીય સંસદ ભવન લેશે આકાર 

સેન્ટ્રલ વિસ્ટાના માસ્ટર પ્લાનમાં ત્રણ મહિનામાં છ ફેરફાર કરવામાં આવ્યા છે. કેન્દ્રીય શહેરી વિકાસ પ્રધાન હરદીપસિંહ પુરીએ જણાવ્યું હતું કે સૂચનો અનુસાર માસ્ટર પ્લાનમાં ફેરફાર કરવામાં આવ્યા છે. હજુ પણ આ માસ્ટર પ્લાન ફાઇનલ નથી. સેન્ટ્રલ વિસ્ટાના માસ્ટર પ્લાન અનુસાર વર્તમાન ગોળાકાર સંસદ ભવનની સામે ગાંધીજીની પ્રતિમા પાછળ નવું ત્રિકોણીય સંસદ ભવન બનશે.

પ્રધાનમંત્રી માટે નવા આવાસનું થશે નિર્માણ 
  
નવા સંસદ ભવનમાં બંને ગૃહ- લોકસભા અને રાજ્યસભા માટે એક એક ઇમારત હશે, પરંતુ સેન્ટ્રલ હોલ નહીં બને. સેન્ટ્રલ હોલ અલગથી ૧૩ એકર જમીન પર બનાવવામાં આવશે. આ જમીન પર અત્યારે પાર્ક અને પાર્કિંગ છે. લોકસભાની નવી ઇમારતમાં ગૃહની અંદર ૯૦૦ બેઠક હશે કે જેથી ભવિષ્યમાં લોકસભાની બેઠક વધે તો મુશ્કેલી ન પડે. સાઉથ બ્લોક પાછળ વડા પ્રધાન માટે નવા આવાસનું નિર્માણ કરવામાં આવશે.