રાજ્ય સરકાર આ પાર્કિંગ પોલિસી પર વિચારણા કરીને બે-ત્રણ સપ્તાહમાં એનો અમલ શરૂ કરવા મંજૂરી આપી શકે છે
અમદાવાદમાં લાગૂ થઇ શકે છે નવી પાર્કિંગ પોલિસી
સરકાર નવી પાર્કિંગ પોલિસીને આપી શકે છે મંજૂરી
ટૂ-વ્હીલર અને ફોર-વ્હીલર માટે નવા ચાર્જની વિચારણા
અમદાવાદમાં નવી પાર્કિંગ પોલિસીને મંજૂરી આપવામાં આવી શકે છે. અમદાવાદ મ્યુનિસિપલ કોર્પોરેશને સુરત કોર્પોરેશને તૈયાર કરેલી પાર્કિંગ પોલિસીને અપનાવીને પોતાની એક નવી પોલિસી તૈયાર કરી છે.
નવી પાર્કિંગ પોલિસીને સરકાર આપી શકે છે મંજૂરી
અહી ઉલ્લેખનિય છે કે ગુજરાતનાં શહેરોમાં જાહેર સ્થળોએ પાર્કિંગ કરવા માટે જગ્યા નથી. ત્યારે મોટા શહેરમાં પાર્કિંગને લઈને સમસ્યા સર્જાતી હોય છે પરતું હવે રાજ્ય સરકાર દ્વારા નવી પાર્કિંગ પોલિસી જાહેર કરવામાં આવી છે જેમાં જાહેર સ્થળોએ પાર્કિંગની સમસ્યાનો પ્રશ્નો હળવો બનશે તેવું લાગી રહ્યું છે.
2થી 3 સપ્તાહમાં આવી શકે છે નવી પાર્કિંગ પોલિસી
મહત્વનું છે કે તાજેતરમાં એક સુનાવણી દરમિયાન સુપ્રીમ કોર્ટે કહ્યું કે ગુજરાતનાં મેટ્રો શહેરોમાં જાહેર સ્થળોએ પાર્કિંગની સમસ્યા છે તેમજ મૉલ અથવા અન્ય બજારોમાં પણ પૂરતા પ્રમાણમાં પાર્કિંગની વ્યવસ્થા નથી. ત્યારે પાર્કિંગ એક અત્યંત ગંભીર મુદ્દો છે. પાર્કિંગની અગવડને કારણે નાગરિકોએ રોડ પર પોતાનાં વાહનો પાર્ક કરવાં પડે છે. રાજ્ય સરકાર દ્વારા પાર્કિંગ માટે કોઈ નક્કર નીતિ અથવા માર્ગદર્શિકા જાહેર કરવામાં નથી આવી જેમાં ટૂંક સમયમાં જ નવી પાર્કિગ પોલિસી અમલમાં બને તેવું લાગી રહ્યું છે,
ટૂ-વ્હીલર માટે પ્રતિ કલાક 10થી 15 ચાર્જ વસૂલવા વિચારણા
રાજ્ય સરકાર આ પાર્કિંગ પોલિસી પર વિચારણા કરીને બે-ત્રણ સપ્તાહમાં એનો અમલ શરૂ કરવા મંજૂરી આપી શકે છે. જેમાં ટૂ-વ્હીલર માટે વિસ્તાર પ્રમાણે પ્રતિ કલાક 10થી 15 રૂપિયાનો ચાર્જ વસૂલવા અને ફોર-વ્હીલર માટે 20થી 25 રૂપિયા ચાર્જ વસૂલવાની વિચારણા છે. સાથે જ અમદાવાદમાં જાહેર સ્થળો, મોલ, જાહેર રસ્તાઓ અને રહેણાક આસપાસના પાર્કિંગ મુદ્દે આ પોલિસીમાં ઘણી બાબતો આવરી લેવાશે, જેમાં ફ્રી પાર્કિંગ અને પેઈડ પાર્કિંગના મુદ્દાઓ પણ આવરી લેવાશે
પાર્કિંગ પોલિસીમાં ફ્રી પાર્કિંગ અને પેઈડ પાર્કિંગના મુદ્દાઓ સામેલ
મહત્વનું છે કે કોર્પોરેશન દ્વારા જાહેર રસ્તા પર 12 મીટર કે તેથી વધુ પહોળાઈના રોડ પર રસ્તાની એક બાજુ પાર્કિંગ સ્પેસ એલોકેટ કરવાની વિચારણા કરવામાં આવી છે. આ ઉપરાંત નજીકના વિસ્તારની પાર્કિંગ સ્પેસની માહિતી મળી રહે અને પાર્કિંગ માટેનું એડવાન્સ પેમેન્ટ કરી શકાય એવી એપ કે ટેક્નોલોજી અમલમાં લાવવાની પણ વિચારણા થઇ રહી છે.
ટ્રાફિક વિભાગના સંકલનમાં ટોઇંગ માટેની SOP બનશે
નવી પાર્કિગ પોલિસીમાં દિવ્યાંગો અને સિનિયર સિટિઝન્સ માટે 10 ટકા પાર્કિંગ સ્પેસ ખાલી રાખવાની પણ વિચારણા કરવામાં આવી રહી છે. અમદાવાદમાં ટ્રાફિક જંકશન અને ઝેબ્રા ક્રોસિંગથી પાર્કિંગ સ્પેસ દૂર રાખવા વિચારણા થઇ રહી છે. સ્થાનિક વિસ્તારોમાં ખાલી રહેતાં પાર્કિંગ સ્પેસ માટે શેરિંગવાળા પાર્કિંગ ઊભા કરવા વિચારણા થઇ રહી છે. આ ઉપરાંત પાર્કિંગ સ્પેસ માટે વાર્ષિક પરમીટ ઈસ્યુ કરવા માટેની પણ વિચારણા છે. નવી પાર્કિંગ પોલિસીમાં પાર્કિંગ સ્પેસની માહિતી મળે તે માટે એપ કે ટેક્નોલોજી અમલમાં લાવવાની વિચારણા છે, તેમજ દિવ્યાંગો અને સિનિયર સિટિઝન્સ માટે 10 ટકા પાર્કિંગ સ્પેસ ખાલી રાખવાની વિચારણા કરવામાં આવી છે, આ પાર્કિંગ પોલિસમીમાં ટ્રાફિક વિભાગના સંકલનમાં ટોઇંગ માટેની SOP બનાવવા પણ વિચારણા થઇ રહી છે.