પડોશી રાજ્ય મહારાષ્ટ્ર અને દેશના અન્ય રાજ્યોમાં ઓમિક્રોનના કેસ વધી રહ્યા છે. આવામાં ગુજરાતના પ્રવેશ દ્વારા એવા વલસાડ જિલ્લાની બોર્ડર રેઢી પડી છે
ઓમિક્રોને ગુજરાતમાં ચિંતા વધારી
રાજ્યની બોર્ડર પર ગંભીર બેદરકારી
ઓમિક્રોનને અટકાવવામાં તંત્રને રસ નથી
પડોશી રાજ્ય મહારાષ્ટ્ર અને દેશના અન્ય રાજ્યોમાં ઓમિક્રોનના કેસ વધી રહ્યા છે. આવામાં ગુજરાતના પ્રવેશ દ્વારા એવા વલસાડ જિલ્લાની બોર્ડર રેઢી પડી છે. વલસાડ જિલ્લા આરોગ્ય વિભાગ ની ગંભીર બેદરકારી બહાર આવી છે.તલાસરી બોર્ડર પરઆરોગ્ય ની ટીમ તો તૈનાત છે પરંતુ પોલીસના કોઈ ટીમ સાથે ન હોવાથી મહારાષ્ટ્રથી બિન્દાસ્ત બેરોકટોક વાહનો ગુજરાતમાં પ્રવેશી રહ્યા છે.
નવા વેરિએન્ટ એમિક્રોને ગુજરાતમાં ચિંતા વધારી
ઓમિક્રોનના નવા વરિયન્ટના ખતરા ને કારણે રાજ્યમાં સલામતીના પગલાં લેવામાં આવી રહ્યા છે. સરકાર દ્વારા જરૂર જણાય ત્યાં સલામતી અને સાવચેતીના ભાગરૂપે આરોગ્ય વિભાગની ટીમોને કાર્ય સોંપવામાં આવ્યું છે. ત્યારે મહારાષ્ટ્ર અને ગુજરાતની હદ પર આવેલી ચેકપોસ્ટો પર ફરી એક વખત આરોગ્ય વિભાગની ટીમો તૈનાત કરવામાં આવી છે.
ઓમિક્રોનને અટકાવવામાં તંત્રને રસ નથી
આ ચેક પોસ્ટ પર મહારાષ્ટ્રમાંથી ગુજરાતમાં પ્રવેશતા પ્રવાસીઓના સ્ક્રિનિંગ અને તેમની ટ્રાવેલિંગ હિસ્ટ્રી નોંધવાની સાથે શંકાસ્પદ લક્ષણો જણાય તો RTPCR ટેસ્ટ પણ કરવા માટે આરોગ્ય વિભાગની ટીમો તૈનાત કરવામાં આવી છે. મહારાષ્ટ્રથી ગુજરાતમાં પ્રવેશતા પ્રવાસીઓનું સ્ક્રીનિંગ કરવામાં આવી રહ્યું હોવાનું આરોગ્ય વિભાગ અને સરકાર દ્વારા દાવા કરવામાં આવે છે પરંતુ હકીકત કઈ અલગ છે. અમે આ બોર્ડર પર મુલાકાત લીધી ત્યારે વલસાડ જિલ્લાની હાઇવે પરની ચેકપોસ્ટ પર આરોગ્ય વિભાગના દાવાની હવા નીકળી રહી છે.
ગુજરાતમાં અત્યાર સુધી ઓમિક્રોન વૅરિયન્ટની એન્ટ્રી
ઉલ્લેખનીય છે કે ડેલ્ટા બાદ કોરોનાના નવા વૅરિયન્ટ ઓમિક્રોનની ગુજરાતમાં એન્ટ્રી થયા બાદ સરકાર દોડતી થઈ છે. જામનગર જિલ્લામાં ઝિમ્બાબ્વેથી આવેલો નાગરિક કોરોના પોઝિટિવ આવ્યા બાદ તેનામાં આ નવો વૅરિયન્ટ જોવા મળતા ચિંતા ઊભી થઈ છે. આવામાં સરકારે કહ્યું છે કે તમામ તૈયારીઓ અને તપાસ શરૂ કરી દેવાઈ છે. દેશમાં અત્યાર સુધી ઓમિક્રોન વેરિયન્ટના કેસ કુલ 21 નોંધાયા છે. જેમાં ગુજરાત, મહારાષ્ટ્ર, રાજસ્થાન અને દિલ્હી જેવા રાજ્યોનો સમાવેશ છે.
સળગતા સવાલ
આરોગ્યની ટીમને કેમ પોલીસ બંદોબસ્ત મળતો નથી?
વલસાડ પોલીસ કેમ ઓમિક્રોન વેરિએન્ટને લઈ નથી સતર્ક?
આરોગ્યની ટીમને કામ કરવા પોલીસ કેમ નથી આપતી સાથ?
શું આમિક્રોનને રોકવા માટે પોલીસ પાસે નથી કોઈ પ્લાન?