મહામારી / દુનિયામાં ઓમિક્રોનના નવા સ્ટ્રેન BA.2.12.1થી હડકંપ, અમેરિકાના 13 રાજ્યોમાં ફેલાયો, ભારતમાં આ ખતરો

• દુનિયામાં ઓમિક્રોનના નવા સ્ટ્રેન BA.2.12.1 કહેર
• અમેરિકાના 13 રાજ્યોમાં ફેલાયો, વધારે રાજ્યોને ચપેટમાં લઈ રહ્યો છે 
• બુધવારે ઉપરાષ્ટ્રપતિ કમલા હેરિસ કોરોના પોઝિટીવ થયા હતા

દુનિયામાં કોરોનાની ચોથી લહેર આવે તેવા સ્પસ્ટ છે. હાલમાં દુનિયામાં ઓમિક્રોનનો નવો વેરિયન્ટ  BA.2.12.1 ઝડપથી પ્રસરી રહ્યો છે અને તેને કારણે ચોથી લહેરની ચિંતા પેદા થઈ છે. કોરોનાના સૌથી મોટા સંક્રામક વેરિએન્ટના નવા મ્યુટન્ટે દુનિયાભરના વૈજ્ઞાનિકોને ચિંતામાં મૂકી દીધા છે. આ સ્ટ્રેન ન્યૂયોર્ક વિસ્તારમાં 56 ટકા દર્દીઓમાં જોવા મળ્યો છે.  અમેરિકન વૈજ્ઞાનિકોએ તેને સૌથી ઝડપથી સંક્રમણ ફેલાવનારું ગણાવ્યું છે. 

અમેરિકાના 13 રાજ્યોમાં  BA.2.12.1 ફેલાયું
વૈજ્ઞાનિકોએ કહ્યું છે કે અત્યાર સુધી અમેરિકાના 13 રાજ્યોમાં  BA.2.12.1 ફેલાયું છે. અમેરિકાના રોગ નિયંત્રણ અને નિવારણ કેન્દ્રો દ્વારા મંગળવારે જાહેર કરવામાં આવેલા આંકડા અનુસાર, ઓમિક્રોનનું ન્યૂ મ્યુટન્ટ બીએ.BA.2.12.1 રાષ્ટ્રીય સ્તરે ગયા અઠવાડિયે નવા કોવિડ -19 ચેપના 29 ટકા માટે જવાબદાર હતું. 

દુનિયાના ઘણા દેશોમાં ઓમિક્રોનનું નવો વેરિયન્ટ કેર મચાવી રહ્યો છે

દુનિયાના ઘણા દેશોમાં ઓમિક્રોનનું નવો વેરિયન્ટ કેર મચાવી રહ્યો છે. બ્રિટન, અમેરિકા, ઈટાલી, જર્મની, ફ્રાન્સ, કોરિયા સહિતના દેશોમાં નવા વેરિયન્ટના કેસ આવી રહ્યાં છે. 

અમેરિકામાં કોરોના કેસમાં ઉછાળો 
અમેરિકામાં દિનપ્રતિદિન કોરોના કેસ વધતા જાય છે અને હવે કોરોનાએ મોટી હસ્તીઓને ચપેટમાં લેવાનું શરુ કર્યું છે. અમેરિકાના વાઈસ પ્રેસિડન્ટ કમલા હેરિસ કોરોનાની ચપેટમાં આવ્યાં છે. તેમણે ટ્વિટ કરીને આ માહિતી આપી હતી. કમલા હેરિસમાં કોરોનાના કોઈ લક્ષણો જણાયા નથી અને તેઓ આઈસોલેટ થયા છે. વાઈસ પ્રેસિડન્ટ ઓફિસ દ્વારા બહાર પાડવામાં આવેલા નિવેદન અનુસાર, કમલા હેરિસ વાઈસ પ્રેસિડન્ટ ઓફિસમાંથી કામ કરવાનું ચાલુ રાખશે. ડોક્ટરોએ તેમને આરામ કરવાની સલાહ આપી છે.

ભારતમાં ચોથી લહેરનો ખતરો

ઓમિક્રોનનો નવો વેરિયન્ટ ભારતમાં ચોથી લહેર લાવે તેવી આગાહી સાચી પડે ખરી. કારણ કે દેશમાં દિનપ્રતિદિન કોરોના કેસ વધતા જાય છે. તેથી હવે ચોથી લહેરનો ખતરો પેદા થયો છે.