મોટર વ્હીકલ બિલ / હવે હૅલ્મેટ નહીં પહેરો તો થશે રૂ.1000નો દંડ, નવા કાયદાના જાણી લો નિયમો

નોંધનીય છે કે, બુધવારે રાજ્યસભામાં મોટર વ્હીકલ સંશોધન બિલને ધ્વનીમતથી પસાર કરવામાં આવ્યું છે. આ બિલ પર લાવવામાં આવેલ તમામ સંશોધનોને સદને ધ્વનીમતથી ફગાવ્યા હતા. કેન્દ્રીય માર્ગ અને પરિવહન મંત્રી નિતિન ગડકરીએ સંસદને કહ્યું કે, સરકાર કોઇપણ રીતે માર્ગ અકસ્માત પર નિયંત્રણ લાવવા માગે છે. 

હૅલ્મેટ નહીં પહેરો તો થશે રૂ.1000નો દંડ

દેશમાં સૌથી વધુ હેલ્મેટ ટૂ-વ્હીલર ચલાવવાનો મામલો સામે આવ્યો છે. અત્યાર સુધી હેલ્મેટ વગર ઝડપાવા પર 100 રૂપિયા દંડ ભરવો પડતો હતો પરંતુ હવે માર્ગ પર હેલ્મેટ વગર પકડવા પર સીધા જ 1000 રૂપિયા દંડ થશે. 
 

દારૂ પીવું પડશે ભારે, હવે થશે 10,000નો દંડ

દારૂ પી ને ગાડી ચલાવવા પર ન્યૂનતમ દંડ 2000 રૂપિયાથી વધારીને 10,000 રૂપિયા સુધી કરી દેવામાં આવ્યો છે. રેશ ડ્રાઇવિંગ પર ફાઇન પણ 1000 રૂપિયાથી વધીને 5000 કરી દેવામાં આવ્યો છે. લાઇસેન્સ વગર દંડ પર 5000 રૂપિયા સુધીનો દંડ ભરવો પડશે. હાલ આ 500 રૂપિયા છે. 

સીલ્ટ બેલ્ટ અને ઓવર સ્પીડ પર પણ વધ્યો દંડ

સીટ બેલ્ટ પહેર્યા વગર ચલાવવા પર 100 રૂપિયાની જગ્યાએ 1000 આપવો પડશે. આ ઉપરાંત નક્કી સીમાથી વધારે સ્પીડથી ચલાવવા પર 400ની જગ્યાએ 1000 થી 2000 રૂપિયા સુધીનો દંડ આપવો પડશે. 

મોબાઇલ પર વાત કરવા પર 5000 દંડ

મોબાઇલ પર વાત કરતાં ડ્રાઇવિંગ કરવા પર 5000 રૂપિયા સુધીનો દંડ ભરવો પડશે. હાલ માત્ર 1000 જ છે. 

સગીરની ભૂલ પર પેરેન્ટ્સ હશે જવાબદાર

જો કોઇ સગીર દ્વારા ટ્રાફિક નિયમોનું ઉલ્લંઘન થાય છે તો એના પેરેન્ટ્સને જવાબદાર ગણવામાં આવશે. પરિવારને બચાવવા માટે એવું સાબિત કરવું પડશે કે એમને એ માટેની જાણકારી નથી અતવા એમને આવું કરવા રોકવાનો પ્રયત્ન કર્યો હતો. સગીર પર જુવેનાઇલ જસ્ટિસ એક્ટ હેઠળ કેસ ચાલશે. 

તમામ રોડ યૂઝર્સનો ઇન્શ્યોરન્સ

મોટર વ્હીકલ્સ એક્સિડેન્ટ ફંડ બનશે, જે દેશના તમામ રોડ યૂઝર્સને ઇન્શ્યોરન્સ કવર પ્રદાન કરશે. એ હેઠળ કેટલાક નિશ્વિત પ્રકારની ઘટનાને કવર કરવામાં આવશે. 

થર્ડ પાર્ટી ઇન્શ્યોરન્સ પર દેવાની સીમા ખતમ 

થર્ડ પાર્ટી ઇન્શ્યોરન્સ પર દેવાની સીમાને પૂર્ણ કરી દેવામાં આવશે. આ પહેલા 2016માં તૈયાર પ્રસ્તાવમાં મોત પર 10 લાખ અને ગંભીર ઘાયલ પર 5 લાખ રૂપિયાની જોગવાઇ હતી.