1 નવેમ્બરથી રાજ્યભરમાં નવો મોટર એક્ટ લાગુ થશે. આ ટ્રાફિક નિયમનું પાલન નહીં કરવામાં આવે તો આકરો દંડ થશે. તેમજ જરૂરી દસ્તાવેજો સાથે નહીં રાખો તો આકરો દંડ થશે. મહત્વનું છે કે, ગુજરાતમાં નવા મોટર વ્હીકલ એક્ટમાં ફેરફાર કરી અમુક દંડમાં ઘટાડો કરવામાં આવ્યો હતો. ત્યારે જાણો શું છે નવા દંડ?
રાજ્યમાં શુક્રવારથી નવા નિયમનો અમલ થવા જઈ રહ્યો છે. ત્યારે હવે રાજ્યમાં ટ્રાફિકના નવા નિયમનું કડકપણે અમલ થશે. વાહનચાલકો ટ્રાફિકના નિયમનો ભંગ કરશે તો દંડાત્મક કાર્યવાહી કરાશે. મહત્વનું છે કે ટુ વ્હીલરમાં પાછળ બેસનાર માટે હેલ્મેટ ફરજિયાત નથી. ડિજિટલ ડાયરીમાં ડોક્યુમેન્ટ પુરાવા તરીકે માન્ય રહેશે. આ ઉપરાંત બીજા અનેક નિયમોમાં પ્રથમવારના ગુના માટે રાહત બક્ષી છે.
લાઇસન્સ, વીમો, પીયૂસી, RC બુક વગેરે દસ્તાવેજો સાથે ન હોવા પર, PUC કઢાવેલ ન હોવા પર રાજ્ય સરકારના દંડ અનુસાર પ્રથમ વખત 500 અને બીજી વખત 1000 રૂપિયાનો દંડ ફટકારવામાં આવશે.