મોદી સરકારે ટ્રાફિકના નિયમોનું ઉલ્લંઘન કરતા લોકો સામે લાલ આંખ કરી દંડમાં મોટો વધારો કર્યો છે. જેની સામે રૂપાણી સરકારે આંશિક રાહત આપતા દંડમાં થોડો ઘટાડો કર્યો છે. પરંતુ ગુજરાતમાં એક બાઈકચાલકને 11 હજાર 100 રૂપિયાનો દંડ થયાનો કિસ્સો સામે આવ્યો છે.
12000માં જુની બાઇક ખરીદી 8100 નો ખર્ચ ઝલાવી દેવાયો
50 રુપીયાના કામ અર્થે નિકળેલા કારીગરને સૌથી મોટો મેમો
11,100નો ખર્ચ આવતા બાઇક ચાલક વિલા મોઢે પાછો ફર્યો
છોટાઉદેપુરમાં બાઈકચાલકને 11 હજાર 100 રૂપિયાનો દંડ થયો છે. ટ્રાફિકના નિયમોનો ભંગ કરતા દંડ ફટકારવામાં આવ્યો છે. 12 હજાર રૂપિયામાં બાઈકની ખરીદી કરી હતી. પહેલા 7 હજારનો દંડ થયો અને RTOએ વધુ 3000 ચૂકવવા કહ્યું છે. આ વીમાના 1100 રૂપિયા પણ બાઈકચાલક પાસેથી અલગથી લેવામાં આવ્યા છે. બોડેલી અલીપુરા સર્કલ પર પોલીસે મેમો આપ્યો છે. પોલીસે અલગ-અલગ કલમ લગાવીને મસમોટો દંડ ફટકાર્યો છે.
ગુજરાતનો સૌ પ્રથમ સૌથી મોટો મેમો
સુરતના રીંગ રોડ પર આવેલી આરકેટી માર્કેટમાંથી કાપડનો જથ્થો ભરીને આઇસર ચાલક ગોવિંદભાઇ સુરેશભાઇ પટેલ ગ્લોબલ માર્કેટમાં માલ ઉતરવા જતા હતા. ત્યારે બ્રીજ ઉતરતા સહારા દરવાજા ખાતે ટ્રાફીક પોલીસે રોકી ડોક્યુમેન્ટ માંગતા આઇસર ટ્રકનું ફિટનેસ સર્ટી ન હોવાથી પાંચ હજારનો દંડ ફટકારતા ગોવિંદભાઇએ સ્થળ પર જ દંડ ભરપાઇ કરી લીધો હતો.
અમદાવાદમાં ST બસને ફટકારાયો દંડ
અમદાવાદમાં ટ્રાફિક નિયમોનું કડક પાલન કરાવવામાં આવી રહ્યું છે. જેના ભાગરૂપે સરકારી બસોને પણ દંડ ફટકારવામાં આવી રહ્યો છે. અમદાવાદમાં ST બસ ચાલકે સીટ બેલ્ટ નહોતો લગાવ્યો જેથી પોલીસે ડ્રાઈવરને 500 રૂપિયાનો દંડ ફટકાર્યો હતો.
અમદાવાદ પોલીસ કોન્સ્ટેબલ ફટકારવામાં આવ્યો દંડ
અમદાવાદ પોલીસ કોન્સ્ટેબલને પણ દંડ ફટકારવામાં આવ્યો હતો. કોન્સ્ટેબલ હેલ્મેટ વગર ડ્રાઇવ કરતા ફોટા વાયરલ થયા હતા. આ વાયરલ ફોટાને લઈને બાઇક નંબરના આધારે કોન્સ્ટેબલને દંડ ફટકારવામાં આવ્યો હતો. કોન્સ્ટેબલ વિશ્વાસ રાઠોડને રૂપિયા 1 હજાર 100 નો દંડ ફટકારવામાં આવ્યો હતો. પોલીસ વિભાગ દ્વારા ટ્વીટર પર આ માહિતી આપવામાં આવી હતી.