ચીને તેના શહેરી વિસ્તારોમાં સ્ટ્રીટ લાઇટ હટાવવા અને વીજળી પરનો ખર્ચ ઘટાડવા માટે વર્ષ 2020 સુધી પોતાનો જ કૃત્રિમ ચાંદો લોન્ચ કરવાની યોજના બનાવી રહ્યુ છે. ચીનના જાણીતા અખબારે શુક્રવારે જાહેર કરેલા રિપોર્ટ પ્રમાણે દક્ષિણ પ્રશ્ચિમી સિચુઓન પ્રાંતનું ચેંગદુ શહેર પ્રકાશ ઉત્પન્ન કરવા માટે એક ઉપગ્રહ બનાવી રહ્યુ છે. આ કૃત્રિમ ચંદ્ર વાસ્તવિક ચંદ્રની જેમ જ ચમકશે પણ તેની તુલનામાં આઠગણી વધારે રોશની આપશે.
કૃત્રિમ ચાંદાની આ પરિયોજના પર કામ કરી રહેલા સંગઠન તિયાન કુ ન્યૂ એરિયા સાયન્સ સોસયટીના પ્રમુખ વુ ચુનફેંગે કહ્યુ કે પ્રથમ માનવ નિર્મિત ચંદ્ર શિંચાંગ ઉપગ્રહ પ્રક્ષપેણ કેન્દ્રમાં તૈયાર કરવામાં આવશે અને પ્રથમ પ્રક્ષપેણની સફળતા પર 2022 સુધી 3 વધુ કૃત્રિમ ચંદ્ર તૈયાર કરવામાં આવશે.
આ અખબા માટે આપેલા એક ઇન્ટરવ્યૂમાં તેઓએ જણાવ્યુ કે કૃત્રિમ ચંદ્રનું પ્રથમ પ્રક્ષેપણ પ્રાયોગિક ધોરણે કરવામાં આવશે પણ વર્ષ 2022માં જે ઉપગ્રહ મોકલવાનો છે તે વાસ્તવિક હશે અને તેનો ઉપયોગ મોટાપાયે નાગરિક અને વાણિજ્યિક ઉપયોગ કરવામાં આવશે. સૂર્યના પ્રકાશની જેમ ચમકનાર આ ઉપગ્રહ જો 50 વર્ગ કિલોમીટર સુધીના વિસ્તારમાં પ્રકાશિત કરવા માટે સક્ષમ છે. તો શહેરી વિસ્તારોમાં રસ્તાઓ પર લાગેલી સ્ટ્રીટ લાઇટની તે જગ્યા લઇ શકે છે. જેનાથી વર્ષે 1.2 અરબ યુઆનની એટલે કે 17 કરોડ ડોલરની બચત થશે.