જેલમાં બંધ સુકેશ ચંદ્રશેખરની વધુ એક ચિઠ્ઠી સામે આવી છે જેમાં તેણે નોરા ફતેહી પર આરોપ લગાડ્યાં છે કે 'હું અને જેકલીન ફર્નાંડીઝ જ્યારે રિલેશનશીપમાં હતાં,ત્યારે આ સંબંધથી નોરા ફતેહીને ઈર્ષ્યા થતી હતી. હંમેશા જેકલીનનાં વિરૂદ્ધમાં મારૂં બ્રેઈનવોશ કરતી હતી'
સુકેશ ચંદ્રશેખરની વધુ એક ચિઠ્ઠી સામે આવી
કહ્યું કે નોરા ફતેહીનાં આરોપો ખોટાં છે
નોરાને તેના અને જેક્લીનનાં સંબંધથી ઈર્ષ્યા હતી- સુકેશ
200 કરોડ રૂપિયાનાં મની લોન્ડેરિંગ મામલામાં જેલમાં બંધ સુકેશ ચંદ્રશેખરે ફરી એક નવો ખુલાસો કર્યો છે. તેણે ચિઠ્ઠી લખી છે જેમાં તેણે આ વખતે જેક્લીન અને નોરા ફતેહીની વચ્ચેના વિવાદનો ઉલ્લેખ કર્યો છે. સુકેશે દાવો કર્યો છે કે નોકા ફતેહીએ આર્થિક અપરાધ બ્યૂરો EOWની સામે પોતાનું નિવેદન બદલ્યું હતું. સુકેશે એ પણ કહ્યું કે' નોરા ઈચ્છતી હતી કે હું જેક્લીનને છોડી દઉં. મારા ના પાડ્યાં છતાં પણ નોરા મને હેરાન કરતી હતી.'
'નોરા જેક્લીનથી ઈર્ષ્યા કરતી હતી'
સુકેશે ચિઠ્ઠીમાં આગળ લખ્યું કે જેક્લીન અને હું સીરિયસ રીલેશનશીપમાં હતાં. આ જ કારણે નોરા જેક્લીનથી ઈર્ષ્યા કરતી હતી. મને જેકલીનને લઈને ભડકાવતી હતી અને મારૂં બ્રેઈનવોશ કરતી હતી. નોરા ઈચ્છતી હતી કે હું જેક્લીનને છોડી દઉં. સુકેશે આગળ લખ્યું કે નિક્કી તમ્બોલી અને ચાહત ખન્ના માત્ર પ્રોફેશલ સહયોગી હતાં અને મારા પ્રોડક્શનમાં કામ કરનારાં હતાં.
'નોરા દિવસમાં 10 વખત કૉલ કરતી હતી'
સુકેશે કહ્યું કે નોરા ઈચ્છતી હતી કે હું જેક્લીનને છોડી દઉં અને તેની સાથે ડેટિંગ કરવાનું શરૂ કરી દઉં. નોરા મને દિવસમાં ઓછામાં ઓછી 10 વખત કૉલ કરવાનાં પ્રયાસો કરતી હતી અને જો હું તેના કોલનો જવાબ ન આપું તો તે મારા પર ફોન કરતાં રહેવા માટે દબાણ બનાવતી હતી.
'નોરાએ ખોટું બોલ્યું છે, મેં તેને S સિરીઝની BMW ભેટ કરી છે'
પત્રમાં સુકેશે નોરા ફતેહી દ્વારા જેક્લીન પર લગાવવામાં આવેલા આરોપો મનગણત કહ્યાં. સુકેશે નોરા પર આરોપો લગાવતાં કહ્યું કે EDની સામે અને EOWની સામે નોરાએ અલગ-અલગ નિવેદનો આપ્યાં છે જેનાથી સાબિત થાય છે કે તે પોતાના મગજમાં કહાણીઓ બનાવી રહી છે. નોરાએ ખોટું બોલ્યું છે કે તે મારાથી કાર લેવા નહોતી ઈચ્છતી. તે સૌથી મોટું જૂઠ છે. નોરા જ્યારે મને મળી હતી ત્યારે તેની પાસે મોંઘી કાર નહોતી, પરંતુ મેં અને તેણે મળીને એક લગ્ઝરી કાર સિલેક્ટ કરી જેનાં સ્ક્રીનશોટ્સ EDની પાસે છે. તેથી નોરાએ ખોટું ન બોલવું જોઈએ. સત્ય તો એ છે કે હું તેને રેન્જ રોવર આપવા ઈચ્છતો હતો પણ તે સ્ટોકમાં નહોતી તેથી મેં તેને S સિરીઝની BMW ભેટ કરી.