કોરોના મહામારીથી પ્રભાવિત ભારતીય અર્થવ્યવસ્થા ઝડપથી ઉભરી રહી છે. તેના સંકેત એ છે કે, ગત વર્ષની માફક આ વર્ષે ભરતી સાથે જોડાયેલી પ્રક્રિયામાં 31 ટકાનો ઉછાળો આવશે. ડિજીટલ ભરતી પ્લેટફોર્મ ટૈગ્ડની તાજેતરની સ્ટડીમાં એવું કહેવામાં આવ્યું છે.
કોરોના કાળમાં નોકરીઓની આવશે ભરમાળ
તૈયારી કરી રાખજો, આ જગ્યાઓએ આવી રહી છે નોકરીઓ
દેશની મોટી મોટી સંસ્થાઓના રિપોર્ટમાં થયો છે આ ખુલાસો
કોરોના મહામારીથી પ્રભાવિત ભારતીય અર્થવ્યવસ્થા ઝડપથી ઉભરી રહી છે. તેના સંકેત એ છે કે, ગત વર્ષની માફક આ વર્ષે ભરતી સાથે જોડાયેલી પ્રક્રિયામાં 31 ટકાનો ઉછાળો આવશે. ડિજીટલ ભરતી પ્લેટફોર્મ ટૈગ્ડની તાજેતરની સ્ટડીમાં એવું કહેવામાં આવ્યું છે. સ્ટડીમાં જણાવ્યા અનુસાર 2021માં ભરતી પ્રક્રિયાઓમાં 27 ટકાનો ઉછાળો રહ્યો હતો.
ફ્રેશર્સ માટે 56 ટકા નવી નોકરીઓ
કન્ફેડરેશન ઓફ ઈંડિયન ઈંડસ્ટ્રી અને સનસ્ટોન એડુવર્સિટીની સાથે કરવામાં આવેલા આ સ્ટડીમાં કહેવાયું છે કે, 2022માં ઓટોમોબાઈલ, આઈટી-આઈટીઝ અને ઈન્ટરનેટ બિઝનેસ સેક્ટરમાં ભરતી પ્રક્રિયામાં સૌથી વધારે ઉછાળો રહેશે. આ વર્ષે ફ્રેશર્સ માટે ખૂબ સારૂ રહેવાનુ છે અને તેમના માટે નોકરીની ભરપૂર તકો મળશે. સ્ટીડમાં જણાવ્યા અનુસાર 2022માં ફ્રેશર્સ બાદ પાંચ વર્ષ સુધીના અનુભવી લોકોની પણ ડિમાન્ડ રહેશે. આ વર્ષે અડધાથી વધારે લગભગ 56 ટકા નવી નોકરીઓમાં કરિયરની શરૂઆત કરશે. તેમાં 0-5 વર્ષના અનુભવવાળા વ્યક્તિઓ પણ સામેલ છે.
શહેરોમાં આવશે 47 ટકા નોકરીઓ
સ્ટડીમાં કહેવામાં આવ્યું છે આ વર્ષે ભૌગોલિક દ્રષ્ટિએ ફેરફાર થશે. 2022માં લગભગ 47 ટકા નવી નોકરીઓ બિન ટિયર શહેરોમાં આવશે. ટિયર 1 શહેરોમાં દિલ્હી, મુંબઈ, કલકત્તા, ચેન્નાઈ, બેંગલુરૂ જેવા મહાનગર શામેલ છે. તો વળી કુમ કામદારોની ગિગ વર્કર્સની ભાગીદારી વધતાં 9 ટકા થવાની આશા છે. 2021માં તેની સંખ્યા લગભગ 8 ટકા હતી. આ સ્ટડી રિપોર્ટ અનુભવ, લિંગ, કાર્યક્ષમની સંરચના, સ્થાન અને સ્કિલ્સના આધાર પર તૈયાર કરવામાં આવી છે.
200થી વધારે સંસ્થાઓમાં કરવામા આવ્યો છે આ સ્ટડી
દેશના મોટા મોટા 200થી વધારે સંસ્થાઓમાં આ સ્ટડીના આધાર પર આ રિપોર્ટ તૈયાર કરવામાં આવ્યો છે. આ સંસ્થાઓમાં પાંચ લાખથી વધારે કર્મચારીઓ કામ કરે છે. રિપોર્ટમાં મુખ્ય ભરતી મેટ્રિક્સ જેવા ભરતીમાં લાગતા સમય, એક ભરતીની સરેરાશ ખર્ચ અને ગત વર્ષે આપવામા આવેલા સરેરાશ વેતન વૃદ્ધિને પણ શામેલ કરવામાં આવ્યો છે.
સાત મુખ્ય સેક્ટરમાં કરવામાં આવી આ સ્ટડી
આ સ્ટડી સાત મુખ્ય સેક્ટર્સ પર કરવામાં આવી છે, જેમાં ઓટોમોટિવ, બીએફએસઆઈ (બેંકીંગ, નાણાકીય સેવાઓ અને વિમા ), વૈશ્વિક ઈન હાઉસ કેન્દ્ર, ભારે યંત્ર અને નિર્માણના સાધનો, ઈન્ટરનેટ બિઝનેસ , આઈટી અને ફાર્માસ્યૂટિકલ્સ શામેલ છે.
સ્ટાર્ટઅપમાં થશે વધારો
અર્થવ્યવસ્થામાં રિકવરી સાથે સ્ટાર્ટઅપમાં પણ સારો એવો વેતન વધારો થવાની તૈયારી કરી રહ્યું છે. એક રિપોર્ટમાં જણાવ્યા અનુસાર આ વર્ષે સ્ટાર્ટઅપમાં છેલ્લા 4-5 વર્ષનૌ સૌથી સારો વધારો થસે. ઈંડસ્ટ્રીથી જોડાયેલા જાણકોરનું કહેવું છે કે, આ વર્ષે સ્ટાર્ટઅપમાં સરેરાશ વેતન વધારે 12થી 15 ટકા થઈ શકે છે. તો વળી સારા પ્રદર્શન કરનારા તર્મચારીઓને સૌથી વધારે વેતન વધારો મળી શકે છે. જાણકારોનું કહેવું છે કે કર્મચારીઓને રોકી રાખવા માટે કંપનીઓ વધારે પગારક આપી રહ્યા છે.