બદલાવ / ITR-1માં થયા 6 મોટા ફેરફાર, હવે ફોર્મમાં આ ડિટેલ્સ પણ ભરવી પડશે

• ITR-1 ફોર્મમાં થયા ફેરફાર
• હવે પાસપોર્ટ નંબર પણ ભરવો પડશે
• ભાડૂઆતનો પાન અથવા આધાર નંબર આપવો પડશે

પાસપોર્ટ ડિટેલ્સ

આ વર્ષે ITR-1 ફોર્મમાં નંબર (જો રિટર્ન ભરનાર પાસે ઉપલબ્ધ હોય) પણ ભરવો પડશે. આ નવો નિયમ ફોર્મમાં ઉમેરવામાં આવ્યો છે. જોકે, જેમણે વિદેશ યાત્રામાં 2 લાખ રૂપિયા કે તેનાથી વધુનો ખર્ચ કર્યો છે તે આઇટીઆર-1 ફોર્મ ભરી શકતા નથી.

એમ્પ્લોયરનો TAN નંબર

હવે આઈટીઆર-1 ફોર્મમાં તમને તમારા એમ્પ્લોયર વિશે વિગતવાર માહિતી માટે પૂછવામાં આવશે. જોકે, ગયા વર્ષે આઇટીઆર-1ના ડ્રોપ ડાઉન મેનૂમાંથી માત્ર નેચર ઓફ એમ્લ્યોમેન્ટ જેવા ગર્વમેન્ટ, પીએસયુ, પેન્શનર્સ અને અન્ય સિલેક્ટ કરવું પડતું હતું. જો તમારા એમ્પ્લોયર કર (ટીડીએસ) ડિડક્ટ કરે છે, તો તમારે આ વર્ષથી આઇટીઆર-1 ભરતી વખતે ટેક્સ ડિડક્શન એકાઉન્ટ નંબર (ટીએન) આપવું ફરજિયાત રહેશે. અન્ય વિગતોમાં નામ, રોજગારનું સ્વરૂપ અને એમ્પ્લોયરનું સરનામું આપવું પડશે.

ભાડૂઆતનો પાન અથવા આધાર નંબર

જો તમે તમારી કોઈપણ મિલકત ભાડે આપી હોય, તો તમારે તમારા ભાડૂઆતનો પાન અથવા આધાર નંબર આપવો પડશે.

આઇટીઆર-1 માટે એલિજિબિલિટી ક્રાઈટેરિયા ઘટ્યો

નાણાકીય વર્ષ 2019-20નું આઇટીઆર-1 ફોર્મ એવા લોકો ઉપયોગ નહીં કરી શકે, જેઓ ઘર પર સંયુક્ત માલિકીનો હક ધરાવે છે. જોકે, ગયા વર્ષે ઘર પર સંયુક્ત માલિકીનો હક ધરાવતા લોકો પણ આઈટીઆર-1 ફોર્મ ભરી શકતા હતા. જે લોકો કોઈ કંપનીના ડિરેક્ટર છે અથવા અનલિસ્ટેડ કંપનીઓના શેરમાં રોકાણ કર્યું છે એવા લોકો પણ આઇટીઆર-1 ભરી શકશે નહીં.

તમારા ઘરનું પૂરું એડ્રેસ

હવે આઈટીઆર ફોર્મમાં તમારે ઘરનું પૂરું એડ્રેસ આપવું પડશે. 

અવાસ્તવિક ભાડાની વિગતો

અવાસ્તવિક ભાડા એટલે કે હાઉસિંગ પ્રોપર્ટીથી પ્રાપ્ત થયેલી રકમની વિગતો પણ આપવી પડશે, જે કેટલાક કારણોસર મકાન માલિકને મળી શકી નથી.