Appleએ 3 નવા iPhone લોન્ચ કર્યા છે અને આખરે Appleએ ડ્યૂલ સિમ ધરાવતો iPhone લોન્ચ કર્યો છે પરંતુ ડ્યુઅલ સિમ iPhone કોઇ પણ અન્ય ડ્યૂઅલ સિમ ફોનથી અલગ હશે. વાસ્તવમાં કંપનીએ iPhoneમાં એક નેનો સિમ જ્યારે બીજો ઑપ્શન ઇ-સિમનો આપ્યો છે.
ઇ-સિમ કાર્ડ એક વર્ચ્યુઅલ સિમ આઇડી હશે જે ટેલિકોમ ઑપરેટર દ્વારા આપવામાં આવશે. આ સિમ આઇડીને સ્માર્ટફોન કે સ્માર્ટવોચના IMI નંબર સાથે રજિસ્ટર કરવામાં આવશે એટલે યૂઝર્સ અલગથી સિમકાર્ડ ખરીદવાની જરૂર નહીં પડે.
જોકે iPhoneના આ ફિચરમાં એક પ્રોબ્લેમ પણ છે. જો ભારતમાં સિમ બરાબર કામ કર્તુ હોય તો તેનો મતલબ એમ નથી કે દેશની બહાર પણ આ સિમ કામ કરશે. હાલ દુનિયાના 10 જ દેશ છે જ્યાં ઇ-સિમની સુવિધા છે એટલે કે જો તમે કોઇ એવા દેશમાં જાઓ છો જ્યાં ઇ-સિમની સુવિધા મળતી હોય તો તેનો મતલબ એમ નથી કે બીજા દેશમાં પણ તમારું સિમ કામ કરશે.
નવા iPhone XS iPhone XS Max અને iPhone XR માં રહેલું ઇ-સિમ ફિચર ઓસ્ટ્રિયા કેનેડા ક્રોટિયા ચેક ગણરાજ્ય જર્મની હંગેરી ભારત સ્પેન યૂકે અને યૂએસમાં ઉપલબ્ધ છે. ભારતમાં આ સુવિધા એરટેલ પોસ્ટપેડ અને રિલાયન્સ જિયોના સબસ્ક્રાઇબરને જ મળશે. આ પ્રકારની સુવિધા સ્પેનમાં માત્ર વોડાફોન પૂરી પાડે છે. ઇ-સિમની સુવિધા દરેક ટેલિકોમ ઓપરેટર દ્વારા નથી પૂરી પાડવામાં આવતી.