નવું લોન્ચ / Honda Activa 7Gની ફોટો થઇ લીક, જાણો શું મળશે ફીચર્સ અને ક્યારે થશે લોન્ચ

• હોન્ડા એ પોતાના નવા સ્કૂટરની જાહેરાત કરી 
• રીપોર્ટ અનુસાર આવનાર સ્કૂટર એકટીવા 7G 
• ઓફીશીયલ પ્લેટફોર્મ પર "COMING SOON" લખ્યું

સ્કૂટરની વાત કરવામાં આવે તો હોન્ડાનું નામ હાલ ભારતમાં પ્રથમ આવે છે કારણ કે તે દેશની સૌથી વધુ વેચાતી સ્કૂટર બ્રાન્ડ છે. સ્કૂટરના વેચાણના આંકડા દર્શાવે છે કે હોન્ડા એક્ટિવાનું વેચાણ ભારતના અન્ય તમામ સ્કૂટર્સની તુલનામાં સૌથી વધુ થાય છે. હોન્ડા એક્ટિવા રેંજમાં હાલ એક્ટિવા 6G અને એક્ટિવા 125 સામેલ છે. પરંતુ, હવે કંપની નવું એક્ટિવા સ્કૂટર લાવવાની દિશામાં આગળ વધી રહી છે, જેને હોન્ડા એક્ટિવા 7G કહી શકાય. હોન્ડાએ હાલમાં જ સોશિયલ મીડિયા પર "COMING SOON" લખીને એક સ્કૂટરનું ટીઝર રિલીઝ કર્યું છે. ટીઝરમાં સ્કૂટરનો ચહેરો જોઇ શકાય છે. આખું સ્કૂટર દેખાતું નથી પરંતુ આગળનો ભાગ દેખાય છે. તે સ્ટાન્ડર્ડ એક્ટિવા જેવું છે.

 

 

 

 

View this post on Instagram

 

 

 

 

 

 

 

 

 

 

 

A post shared by Honda 2 Wheelers India (@honda2wheelerin)

નવા સ્કૂટરની જાહેરાત 
સ્કૂટર સેગમેન્ટમાં હોન્ડા ટુ વ્હીલર્સનું વેચાણ પહેલાથી જ સારી રીતે થઈ રહ્યું છે. વેચાણને વધુ વેગ આપવા માટે તહેવારોની સિઝનમાં એક્ટિવા 7Gને લોન્ચ કરવાની પણ તૈયારી ચાલી રહી છે. એક્ટિવા 7G વિશે વધુ જાણકારી નથી કારણ કે ટીઝરમાંથી જે માહિતી એકદમ ઓછી છે. હોન્ડાએ સ્કૂટરના ટીઝર સાથે 'એક્ટિવા 7G' નામ પણ નથી લખ્યું. એટલે જ આ ટીઝરને એક્ટિવા 7Gના ઓફિશિયલ લોન્ચિંગની જાહેરાત ન કહી શકાય. પરંતુ, તેને જોતા લાગે છે કે તે એક્ટિવા 7G સ્કૂટર બનવાનું છે.

આટલા હશે નવા ફીચર્સ
હોન્ડા 7Gમાં 6Gની સરખામણીએ ઘણા મહત્વના અપડેટ્સ હોવાની શક્યતા ઓછી છે, જેમ કે 5Gની સરખામણીએ 6G. કંપનીએ એક્ટિવા 6Gમાં BS6 આપ્યું હતું અને આ એક મોટું અપડેટ હતું. જોકે એક્ટિવા 7Gને જૂની પાવરટ્રેન મળે તેવી શક્યતા છે. તેમાં 110સીસીનું એન્જિન મળશે, જે 7.68 bph અને 8.79 Nm ટોર્ક જનરેટ કરવામાં સક્ષમ હશે. હોન્ડા એક્ટિવા 7Gમાં 6G જેવી ફ્યુઅલ એફિશિયન્સી, બૂટ સ્પેસ, 692 mm સીટ હાઇટ, સાઇલન્ટ સ્ટાર્ટર મોટર વગેરે મળશે. હોન્ડા એક્ટિવા 7Gમાં સ્ટાન્ડર્ડ ફિટમેન્ટ તરીકે સેમી ડિજિટલ ઇન્સ્ટ્રુમેન્ટ ક્લસ્ટર્સ અને એલઇડી હેડલાઇટ્સ આપવામાં આવી શકે છે, જે એક્ટિવા 6Gના ડિલક્સ વેરિઅન્ટમાં ઉપલબ્ધ છે.