જો તમે કોરોના સંકટ વચ્ચે આ મહિને કાર ખરીદવાનું વિચારી રહ્યા છો તો હુંડઇની આ શાનદાર ઑફરનો ફાયદો ઊઠાવી શકો છો. હુંડઇના ગ્રાહકોની સમસ્યાને જોઇને એક પ્રકારની નવી પહેલ કરી છે.
વાસ્તવમાં, ભારતમાં મારૂતિ બાદ સૌથી વધારે ગાડીઓ હુંડઇની વેચાય છે. કંપનીએ આ નવી સ્કીમને 'Hyundai EMI Assurance' નામ આપ્યું છે. આ હેઠળ Hyundaiના કેટલાક મૉડલ્સની કાર ખરીદનાર ગ્રાહકોને એક વર્।નો EMI ઇન્શ્યોરન્સ આપવામાં આવશે.
કંપની પ્રમાણે જો કોરોના સંકટ અથવા કોઇ બીજા કારણથી એક વર્ષ દરમિયાન ગ્રાહકની નોકરી જતી રહે છે તો ત્રણ મહિનાનું EMI કાર કંપની ભરશે. એટલે કે ગ્રાહકોને ત્રણ મહિના સુધી EMI ભરવાની જરૂર પડશે નહીં.
કંપનીને આશા છે કે એની આ ઑફરથી ગ્રાહકોમાં વિશ્વાસ આવશે, અને એમને લાગશે કે જો નોકરી રહી તો ત્રણ મહિના સુધી EMI નહીં ભરવાની મદદ મળી જશે. જેનાથી ગ્રાહક શોરૂમ સુધી પહોંચશે.
આ સ્કીમ સાથે બે શરતો છે, પહેલી શરત- કારની ખરીદી આ મહિનાની 4 મે થી 31 મે વચ્ચેની હોવી જોઇએ. બીજી શરત- કાર ખરદીવાની તારીખથી એક વર્ષ સુધી ઇન્શ્યોરન્સનો લાભ મળશે, પરંતુ શરૂઆતી ત્રણ મહિનામાં નોકરી જવા પર આ લાગૂ કરવામાં આવશે નહીં.
તો બીજી બાજુ Hyundai મોટર કોવિડ 19 પ્રભાવિત ક્ષેત્રોમાં સરકાર દ્વારા નક્કી માનકોને સખત પાલનની સાથે પોતાની તમામ ડીલરશિપ પર કામ કરવાનું શરૂ કરવા તૈયાર છે. કોરોના વાયરસ લૉકડાઉનના કારણે એપ્રિલમાં નાહનોનું વેંચાણ સમગ્ર રીતે ઠપ છે. લૉકડાઉનની કારણે હુંડઇ એક પણ કાર વેચી શકી નથી.