ઓટો / ફક્ત 5000માં બૂક કરો નવી હોન્ડા અમેઝ, શાનદાર ફિચર્સ સાથે આ તારીખે થશે લોન્ચ 

• નવી હોન્ડા અમેઝનું બુકિંગ શરૂ
• 18 ઑગસ્ટે થશે કાર લૉન્ચ
• ભારતમાં તેનું પ્રથમ મૉડલ 2013માં થયું હતું લૉન્ચ

હોન્ડા કાર્સ ઇન્ડિયા લિમિટેડે (HCIL) બુધવારે પોતાની કૉમ્પેક્ટ સેડાન અમેઝના નવા વર્ઝનની બુકિંગ શરૂ કરી દીધી છે. આ હોન્ડા અમેઝ 18 ઑગસ્ટના રોજ લોન્ય થવાની છે. કંપનીએ દેશભરમાં પોતાની તમામ ઓથોરાઇઝ્ડ હોન્ડા ડીલરશિપમાં આ કારની પ્રી-બુકિંગ શરૂ કરાવી દીધી છે. નવી હોન્ડા અમેઝ માત્ર 21000 રૂપિયામાં બુક કરાવી શકાય છે. આ સિવાય, ગ્રાહક કંપનીની વેબસાઇટ પર 'હોન્ડા ફ્રોમ હૉમ' દ્વારા રૂ.5000માં ઓનલાઇન બુકિંગ કરાવી શકશે.

HONDA AMAZE ના 4.5 લાખથી વધુ ગ્રાહક
HCILના સીનિયર વાઇસ પ્રેસિડન્ટ એન્ડ ડાયરેક્ટર રાજેશ ગોયલએ જણાવ્યું કે 2013માં હોન્ડા અમેઝ લોન્ચ થઇ હતી. અત્યાર સુધી તેના 4.5 લાખથી વધુ ભારતીય ગ્રાહક છે. ફેમિલી સેડાનની કેટેગરીમાં આ એક લોકપ્રિય કાર છે. આ મહિને લોન્ચ થનારી આ કાર માટે કંપની ખુબ ઉત્સાહિત છે. નવી હોન્ડા અમેઝ વધુ એડવાન્સ અને સ્ટાઇલીશ છે. અમેઝ, હોન્ડાનું સૌથી વધુ વેંચાતુ મોડલ છે.

હોન્ડા અમેઝ અને આ કંપનીઓ વચ્ચે છે ટક્કર
નવી હોન્ડા અમેઝની સ્પર્ધા ભારતીય માર્કેટમાં આવેલ મારૂતિ સુઝુકી, હુંડાઇ ઑરા, ફોર્ડ એસ્પાયરથી શક્ય છે.

જાણો કારની ખાસિયતો વિશે 
કંપની દ્વારા બહાર પાડવામાં આવેલી નવી હોન્ડા અમેઝના ટીઝર પરથી એવું લાગે છે કે તેમાં અપડેટેડ ઇનટીરિયર અને એક્સટીરિયરની સાથે ઉપલબ્ધ હશે. આ કારના હાલના મૉડલમાં 2 એન્જિનનો ઓપ્શન છે જેમાં 1.5 લીટર આઇ-ડીટેક ડીઝલ એન્જિન અને 1.2 લીટર આઇ-વીટેક પેટ્રોલ એન્જિનનો સમાવેશ થાય છે. બંને ફ્યુલ વર્ઝનમાં મેન્યુઅલ અને સીવીટી વર્ઝન છે. કંપનીના ટીઝર ઇમેજથી જાણવા મળે છે કે નવી અમેઝના ફ્રંટ અને રિયર બંપર એક નવા લુકમાં જોવા મળશે. નવી અમેઝ ફેસલિફ્ટમાં એલોય વ્હીલની નવી ડિઝાઇનો જોવા મળે છે. તેમાં અપડેટ થયેલ LED પ્રોજેક્ટર હેડલેમ્પ અને LED ટેલલાઇટ પણ મળશે.