ભારતીય રાજનીતિમાં બદલાવને પગલે હવે એક એવી ઐતિહાસિક બાબત બની રહી છે કે જેમાં પ્રથમ વખત ભાજપ લોકસભા ચૂંટણીમાં કોંગ્રેસથી વધારે સીટો પર ચૂંટણી લડી રહ્યું છે. આ પહેલાં 2014માં ભાજપે પોતાના ઈતિહાસમાં સૌથી વધુ લોકસભા સીટો પર જીત મેળવી હતી અને કોંગ્રેસ પાર્ટીનો અત્યાર સુધીનો સૌથી ખરાબ પ્રદર્શન હતું. જેમાં તેને માત્ર 44 બેઠકો મળી હતી. એક સમયે માત્ર ઉત્તર ભારતની જ પાર્ટી કહેવાતી ભાજપની હાલમાં ઉમેદવારોની સંખ્યા બતાવે છે કે તે હવે પૂરા દેશમાં વિસ્તાર લઈ રહી છે જ્યારે કોંગ્રેસ ગઠબંધનના ચક્કરમાં ઓછી સીટો પર લડી રહી છે.
આ ચૂંટણીમાં કોંગ્રેસે 423 સીટો પર જ ઉમેદવારોને ઉતાર્યા છે જ્યારે ભાજપે 437 સીટો પર ચૂંટણી જંગમાં સીધી રીતે મુકાબલામાં છે. જો કે યુપીમાં કોંગ્રેસ કેટલીક વધારે સીટો પર ઉમેદવારોને ઉતારવાની છે પરંતુ તેમ છચાં પણ ભાજપથી આગળ વધી નહીં શકે.
રાજકીય વિશ્લેષતોના મુજબ આ ઐતિહાસિક મોકો છે કારણ કે કોંગ્રેસને આઝાદી બાદ હંમેશાથી રાષ્ટ્રીય દળ રૂપે જોવામાં આવતી હતી જ્યારે સંપૂર્ણ ભારતમાં ભાજપની છાપ તેના મુકાબલે ઓછી જ રહી છે. ભલે ભાજપે અટલ બિહારી વાજપેયીના નેતૃત્વમાં 1998 અને 1999માં કેન્દ્રની સત્તા હાંસલ કરી હોય પરંતુ 2014ની જીતે તેને રાષ્ટ્રીય ફલક પર જબરદસ્ત વિસ્તાર આપ્યો છે. એક તરફ 282 સીટો પર પોતાના દમ પર જીત મળી જ્યારે કોંગ્રેસ માત્ર 44 સીટો પર સમેટાઈ ગઈ હતી અને મુખ્ય વિપક્ષી દળનો પણ દરજ્જો મળ્યો ન હતો.
કોંગ્રેસે કહ્યું ગઠબંધનને કારણે ઓછી સીટો પર લડી રહ્યાં છીએ
જો કે એક વાત એ પણ છે કે કોંગ્રેસનું ભાજપના મુકાબલે ઓછી સીટો પર લડવા તેની કમજોરીથી વધારે ગઠબંધનની રણનીતિ છે. તેણે તમામ સીટો પર ભાગીદાર કરી છે જેના પગલે તેની સીટોની સંખ્યામાં કમી થઈ છે. કોંગ્રેસના ડેટા એનાલિસિસ એક્સપર્ટના હિસાબે ભાજપનું કોંગ્રેસથી વધારે સીટો પર લડવું એ બાબતનો સંકેત છે કે તેઓ ગઠબંધન કરવામાં સફળ નથી રહ્યાં જ્યારે કોંગ્રેસ નવા સાથી જોડવામાં સફળ રહી છે.
2014માં કોંગ્રેસે ઉતાર્યા હતા 464 ઉમેદવાર
કોંગ્રેસને ભલે 2014માં માત્ર 44 સીટો પર જ જીત મળી હતી પરંતુ ઉમેદવારોને મેદાનમાં ઉતારવામાં તે ભાજપથી આગળ હતી. એ સમયે 464 સીટો પર ઉમેદવારોને ઉતાર્યા હતાં જ્યારે ભાજપે 428 સીટો પર ઉતાર્યા હતાં. 2009માં ભાજપ 433 અને કોંગ્રેસ 440 સીટ પર સીધી રીતે ચૂંટણી લડ્યાં હતાં.