નિષ્ણાતોના જણાવ્યા અનુસાર કોરોનાની બીજી લહેર માટે ડેલ્ટા વેરિઅન્ટ જવાબદાર છે અને હવે ડેલ્ટા પ્લસ વેરિઅન્ટના કારણે દેશ કોરોના સંક્રમણની ત્રીજી લહેર તરફ ધકેલાઈ શકે છે.
ચાર કોવિડ-૧૯ વેરિઅન્ટનું મોનિટરિંગ કરવામાં આવી રહ્યું છે
સઘન મોનિટરિંગ કરવું અનિવાર્ય
ઈન્ટરનેશનલ ટ્રાવેલ દ્વારા દેશમાં પ્રવેશી શકે છે
ચાર કોવિડ-૧૯ વેરિઅન્ટનું મોનિટરિંગ કરવામાં આવી રહ્યું છે
દેશમાં કોરોના વાઈરસ સંક્રમણની એક બાજુ બીજી લહેર ધીમે ધીમે નબળી પડી રહી છે તો બીજી બાજુ કોરોના વાઈરસના જુદા જુદા વેરિઅન્ટ દેશ પર હાવી થઈ રહ્યા છે. નિષ્ણાતોના જણાવ્યા અનુસાર કોરોનાની બીજી લહેર માટે ડેલ્ટા વેરિઅન્ટ જવાબદાર છે અને હવે ડેલ્ટા પ્લસ વેરિઅન્ટના કારણે દેશ કોરોના સંક્રમણની ત્રીજી લહેર તરફ ધકેલાઈ શકે છે. આ દરમિયાન હેલ્થ એક્સ્પર્ટ્સ દ્વારા એવો દાવો કરવામાં આવ્યો છે કે દેશમાં કોરોનાના ચાર વધુ સંક્રામક વેરિઅન્ટ તબાહી મચાવી શકે છે. મીડિયા રિપોર્ટ્સ અનુસાર આ ચાર વેરિઅન્ટના કારણે સંક્રમણનો ખતરો ઘણો વધી ગયો છે.
ભારતમાં જે ચાર કોવિડ-૧૯ વેરિઅન્ટનું મોનિટરિંગ કરવામાં આવી રહ્યું છે તેમાં B.1.617.3 વેરિઅન્ટ, B.1.617.2 વેરિઅન્ટ, B.1.1.318 વેરિઅન્ટ અને લેમ્બડા (C.37) વેરિઅન્ટ-કપ્પા (B.1.617.1) વેરિઅન્ટનો સમાવેશ થાય છે. જો તેમના મોનિટરિંગમાં સહેજ પણ ઢિલાશ દાખવવામાં આવશે તો સ્થિતિ કાબૂ બહાર થઈ શકે છે.
સઘન મોનિટરિંગ કરવું અનિવાર્ય
જોકે નિષ્ણાતોએ એવો પણ દાવો કર્યો છે કે આ ચારેય કોવિડ-૧૯ વેરિઅન્ટ ડેલ્ટા કે ડેલ્ટા પ્લસ વેરિઅન્ટની તુલનાએ વધુ અસરકારક નથી. નિષ્ણાતોએ એવું પણ જણાવ્યું છે કે દેશમાં કોવિડ-૧૯ના B.1.617.3 અને B.1.1.318 વેરિઅન્ટ પહેલાંથી જ અસ્તિત્વમાં છે. નિષ્ણાતોએ એવી ચિંતા વ્યક્ત કરી છે કે આ તમામ વેરિઅન્ટ ઈન્ટરનેશનલ ટ્રાવેલ દ્વારા દેશમાં એન્ટ્રી કરી શકે છે. તેથી તેનું સઘન મોનિટરિંગ કરવું અનિવાર્ય છે.
ઈન્ટરનેશનલ ટ્રાવેલ દ્વારા દેશમાં પ્રવેશી શકે છે
દરમિયાન આસામના આરોગ્ય પ્રધાન કેશવ મહંતે એવી જાણકારી આપી છે કે મહામારીની બીજી લહેરની શરૂઆતમાં એપ્રિલ, મે અને જૂનમાં કોવિડ-૧૯નાં દર્દીઓનાં ૩૦૦ સેમ્પલ લેવામાં આવ્યાં હતાં અને તેમાં ૭૭ ટકા સેમ્પલમાં ડેલ્ટા વેરિઅન્ટ અને ૨૩ ટકા વેરિઅન્ટમાં કપ્પા વેરિઅન્ટ હોવાનું બહાર આવ્યું છે. એ જ રીતે ઝારખંડના આરોગ્ય સચિવ અરુણકુમારસિંહે જણાવ્યું કે રાજ્યમાં જિનોમ સિક્વન્સિંગ દરમિયાન વાઈરસના ડેલ્ટા, આલ્ફા અને કપ્પા વેરિઅન્ટના ૩૨૮થી ૩૬૪ કેસ હોવાનું સમર્થન પ્રાપ્ત થયું છે.