Google કોઈપણ Android વર્ઝનનું ફાઈનલ વર્ઝન રિલીઝ કરતા પહેલા ડેવલપર્સ પ્રીવ્યુ અને બીટા વર્ઝન લોન્ચ કરે છે. આ અપડેટ્સ સામાન્ય યૂઝર્સ માટે નથી પરંતુ ડેવલોપર્સ અને ટેસ્ટર્સ માટે છે જેઓ નવા એન્ડ્રોઇડ વર્ઝનના ફીચર્સ ટેસ્ટ કરી શકે છે.
Android 14 માં તમને વધુ સારી પ્રાઈવેસી સાથે દમદાર સિક્યૂરિટી અને પાવરફુલ પરફોર્મન્સ મળશે
માર્ચમાં આવેલા ડેવલપર્સ પ્રિવ્યૂ બાદ એપ્રિલમાં કંપની પ્રથમ બીટા રિલીઝ કરી શકે છે
Android 14ના ડેવલપર્સ પ્રિવ્યૂ 2માં પ્રાઈવસીને લઈને ખાસ ફીચર જોડવામાં આવ્યું
Google એ Android 14 નું નવું ડેવલપર પ્રિવ્યુ રિલીઝ કર્યું છે. આ કંપનીનો બીજો ડેવલપર પ્રિવ્યુ છે, જેમાં ઘણા નવા ફીચર્સ જોવા મળી રહ્યા છે. નવું અપડેટ સારી પ્રાઈવેસી, સિક્યોરિટી અને પરફોર્મન્સ સાથે આવે છે. એટલે કે Android 14 માં તમને વધુ સારી પ્રાઈવેસી સાથે દમદાર સિક્યૂરિટી અને પાવરફુલ પરફોર્મન્સ પણ મળશે.
આ અપડેટમાં કંપનીએ ટેબલેટ અને ફોલ્ડેબલ ડિવાઈસના એક્સપીરિયન્સને રિફાઈન કરવાની કોશિશ કરી છે. માર્ચમાં આવેલા ડેવલપર્સ પ્રિવ્યૂ બાદ એપ્રિલમાં કંપની પ્રથમ બીટા રિલીઝ કરી શકે છે જે આગામી ત્રણ મહિના સુધી ચાલશે. આ બધા પછી કંપની સ્ટેબલ વર્ઝન રિલીઝ કરશે.
મળશે ખાસ ફીચર્સ?
Android 14ના ડેવલપર્સ પ્રિવ્યૂ 2માં પ્રાઈવસીને લઈને ખાસ ફીચર જોડવામાં આવ્યું છે. જેમાં યૂઝર્ કોઈ એપને પસંદ કરેલા ફોટા અથવા વિડિયોને એપ્લિકેશનને ઍક્સેસ આપી શકે છે. અત્યાર સુધી કોઈ એપને ફોટા અને વીડિયોની એક્સેસ આપવાથી તમામ ફોટો અને વીડિયોની એક્સેસ મળે છે, પરંતુ આગામી એન્ડ્રોઈડ વર્ઝનમાં આવું નહીં થાય.
ડેવલપર્સ પ્રીવ્યૂમાં યૂઝર્સને પસંદ કરેલા ફોટો વિડિયો તમામ ફોટો વિડિયો અને નો-ઍક્સેસનો ઓપ્શન મળે છે. આ સિવાય ક્રેડેન્શિયલ મેનેજરમાં પણ બદલાવ કરવામાં આવ્યો છે જેની મદદથી યૂઝર્સ પાસ-કી દ્વારા સાઈન-ઈન કરી શકશે. ઉપરાંત યૂઝર્સને વધુ સારી UI જોવા મળશે.
નવા ડેવલપર્સ પ્રીવ્યુમાં સારી એન્ડ્રોઇડ મેમરી મેનેજમેન્ટ સિસ્ટમ જોડવામાં આવી છે, જે બેકગ્રાઉન્ડમાં કોઈ એપની સરળતાથી કામ કરવામાં મદદ કરશે. આ સિવાય રીઝન બેસર્ડ પ્રીફેન્સ પણ જોવામાં આવશે. એટલે કે જો તમે ભારતમાં રહો છો તો અહીં તાપમાન સેલ્સિયસમાં જોવા મળશે, જ્યારે યૂરોપના લોકો ફેરનહીટમાં તાપમાન જોવા મળશે.
Google કોઈપણ Android વર્ઝનનું ફાઈનલ વર્ઝન રિલીઝ કરતા પહેલા ડેવલપર્સ પ્રીવ્યુ અને બીટા વર્ઝન લોન્ચ કરે છે. આ અપડેટ્સ સામાન્ય યૂઝર્સ માટે નથી પરંતુ ડેવલોપર્સ અને ટેસ્ટર્સ માટે છે જેઓ નવા એન્ડ્રોઇડ વર્ઝનના ફીચર્સ ટેસ્ટ કરી શકે છે. તેનો ઉપયોગ ફક્ત એપ ડેવલપર્સ દ્વારા જ કરવો જોઈએ, જેથી તેઓ તેમની એપ્સને નવા અપડેટ સાથે અપડેટ રાખી શકે.