તમારા કામનું / WhatsApp લાવવા જઈ રહ્યું ગજબનું ફિચર, Voice Messageમાં કરી શકશો આવા ફેરફાર

• WhatsApp લાવવા જઈ રહ્યું નવુ ફિચર
• વોઈસ મેસેજમાં થશે આ ફેરફાર 
• જાણો નવા ફિચર્સ વિશે 

WhatsApp પોતાના નવા અપડેટ્સના કારણે ખૂબ ચર્ચામાં છે. પાછલા ઘણા સમયથી વોટ્સએપના દરેક અપડેટની સાથે એપમાં ઘણા ફેરફાર કરવામાં આવી રહ્યા છે. પોતાની એપને સંપૂર્ણ રીતે નવી બનાવવાના પ્રયત્નમાં હવે વોટ્સએપે એક વધુ અપડેટ આપી છે. રિપોર્ટ્સ અનુસાર WhatsApp હવે પોતાના વોઈસ મેસેજ ફીચરમાં ધણા બધા ફેરફાર લાવવા જઈ રહ્યું છે. 

હવે વોઈસ મેસેજની સાથે આવશે વોઈસ વેવફોર્મ્સ 
વોઈસ વેવફોર્મ્સ વોઈસ મેસેજને પસપ્રદ બનાવવા માટે વોટ્સઅપનો એક પ્રયત્ન છે. એવું જાણવા મળી રહ્યું છે કે પોતાના નેક્સ્ટ અપડેટમાં વોટ્સએપ વોઈસ મેસેજની સાથે વોઈસ વેવફોર્મ્સ લાવવાની યોજના બનાવી ચુક્યું છે. હાલ આપણે WhatsApp પર કોઈ વોઈસ મેસેજ સાંભળીએ છીએ તો તેમાં એક સીધી લાઈન બનીને આવે છે. WhatsAppના આ વોઈસ વેવફોર્મ્સમાં આ સીધી લાઈનના બદલામાં મેસેજ વખતે લહેર જેવા આકારનો જોવા મળશે. આ વેવફોર્મ્સ મેસેજની સાથે બદલાય છે અને મેસેજ પુરો થવાની સાથે શાંત થઈ જશે. 

હવે મોકલ્યા પહેલા સાંભળી શકશો વોઈસ મેસેજ 
આ નવા અપડેટમાં તમે વોઈસ રોકોર્ડિંગને વચ્ચે બંધ કરી શકશો. સાથે જ તમે મેસેજને મોકલ્યા પહેલા સાંભળી શકશો અને જો તમને સારો ન લાગે તો તમે તેને મોકલ્યા પહેલા જ ડિલિટ કરી શકો છો. 

ક્યારે મળશે આ નવું ફિચર? 
રિપોર્ટ અનુસાર WhatsAppના એન્ડ્રોયડ 2.21.28.3ના અપડેટ માટે WhatsApp બીટા રોલ આઉટ કરવાનું શરૂ કરી દેશે. આ પ્રકારના WhatsApp બિટા iOS 2.21.170.15 માટે પણ રોલ આઉટ કરવામાં આવશે.