વોટ્સએપ તેના યુઝર્સ માટે નવા-નવા ફીચર લાવતું રહે છે. આજના સમયમાં વોટ્સએપ કોમ્યુનિકેશન માટેનો સૌથી સારો માધ્યમ માનવામાં આવે છે અને આ જ કારણથી તેની સાઈઝ પણ સતત વધતી જઈ રહી છે. જેથી યુઝર્સને જો કોઈ જૂના મેસેજ જોવા હોય તો મુશ્કેલી થાય છે.
વોટ્સએપના ગ્રાહકો માટે સારાં સમાચાર
હવે એક ક્લિકે ગમે એટલા જૂના મેસેજ મળી જશે
ટૂંક સમયમાં યુઝર્સને વોટ્સએપમાં દેખાશે કેલેન્ડર આઈકન
યુઝર્સને જૂના મેસેજ જોવામાં મુશ્કેલી પડતી હોવાને કારણે વોટ્સએપ ટૂંક સમયમાં એક નવું ફીચર લોન્ચ કરવાનું છે. જો તમે કોઈ ખાસ દિવસ પર મોકલેલા અથવા પ્રાપ્ત કરેલાં મેસેજ શોધવા માંગો છો તો આ ફીચર હેઠળ તારીખ એટલે કે, સર્ચ બાય ડેટથી સરળતાથી એ મેસેજ શોધી શકશો. એક રિપોર્ટ અનુસાર હાલ આ ફીચર અંડર ડેવલપમેન્ટમાં છે. તેની ટેસ્ટિંગ ચાલી રહી છે. પરંતુ તે જલ્દી લોન્ચ થશે. આ ફીચર સૌથી પહેલાં આઈફોનમાં અને પછી એન્ડ્રોઈડમાં લોન્ચ કરવામાં આવશે.
ફીચર આવ્યા બાદ દેખાશે કેલેન્ડર આઈકન
વોટ્સએપ પર એક કેલેન્ડર આઈકન એડ કરવામાં આવશે. જે આવ્યા બાદ યુઝર્સને કેલેન્ડર આઈકન દેખાશે. યુઝર કેલેન્ડર આઈકન પર ટેપ કરીને જે-તે તારીખ સિલેક્ટ કરીને એ દિવસના તમામ મેસેજ જોઈ શકશે.
વોટ્સએપ પર એકસાથે ઘણાં લોકો કરી શકશે વાત
ઉલ્લેખનીય છે કે, ફેસબુકે હાલમાં જ રૂમ્સ ફીચરની શરૂઆત કરી છે. જેમાં યુઝર એક સિંગલ વીડિયો કોલ પર એકસાથે 50 લોકો સાથે જોડાઈ શકશે. સારી વાત એ છે કે, આ ફીચર ફેસબુકએ ઈન્સ્ટાગ્રામ અને વોટ્સએપ માટે પણ લોન્ચ કર્યો છે. વોટ્સએપના એન્ડ્રોઈડ વર્ઝન પર ધીરે-ધીરે રૂમ્સ ફીચર મળવાનો શરૂ થઈ ગયો છે. નવા રૂમ ઈન્ટિગ્રેશનથી વોટ્સએપ યુઝર કોલ પણ કરી શકે છે. સાથે જ કોઈને પણ રૂમમાં જોઈન પણ કરી શકે છે.