મુંઝવણ / ખેડૂતોને કૃષિ કાયદા પર પ્રસ્તાવ આપીને બરાબરની ફસાઈ ગઈ સરકાર! નિષ્ણાતોએ કહ્યું હવે તો આ બે જ વિકલ્પ બચ્યા

• કાયદો સંસદમાં પાસ થઈ જાય તો સરકાર ફક્ત તેને લાગૂ કરી શકે છે
• સંસદીય પ્રક્રિયામાં કોઈ એવી જોગવાઈ નથી જેમાં કોઈ કાયદાને પડતો મુકી શકાય
• કાયદા પર હાલમાં પ્રતિબંધ મુકવાનો અધિકાર ફક્ત સુપ્રીમ કોર્ટની પાસે છે ન કે સરકાર પાસે

સંસદીય પ્રક્રિયામાં કોઈ એવી જોગવાઈ નથી જેમાં કોઈ કાયદાને પડતો મુકી શકાય

ગત વર્ષ સપ્ટેમ્બરમાં સંસદ દ્વારા આ કાયદાને પસાર કરવામાં આવ્યો હતો. રાષ્ટ્રપતિ રામનાથ કોવિંદની સહમતિ બાદ 27 સપ્ટેમ્બરે આને સત્તાવાર રાજપત્રમાં અધિસૂચિત કરવામાં આવ્યો હતો. ઉલ્લેખનીય છે કે સંસદ કોઈ પણ કાયદાને નાબૂદ કરી શકે છે પરંતુ સંવિધાન અથવા સંસદીય પ્રક્રિયામાં કોઈ એવી જોગવાઈ નથી જેમાં કોઈ કાયદાને પડતો મુકી શકાય

શું છે સમસ્યા?

સરકારનું કહેવું છે કે જો ખેડૂત તેમના પ્રસ્તાવને માને છે તો પછી સત્તાવાર રાજપત્રને રદ્દ કરવા માટે નવા નોટિફિકેશન જારી કરવામાં આવશે.  પરંતુ કાયદાના જાણકારોનું કહેવું છે કે આ સરળ નથી. એક કાયદાના વિશેષજ્ઞએ કહ્યું કે મારા ખ્યાલથી કાયદાને સરકાર દ્વારા પડતો ન મુકી શકાય. એક વાર કાયદો સંસદમાં પાસ થઈ જાય તો સરકાર ફક્ત તેને લાગૂ કરી શકે છે.

સરકાર પાસે 2 વિકલ્પ છે

લોકસભા અને પૂર્વ મહાસચિવ સુભાષ કશ્યપનું કહેવું છે કે મે આવી સ્થિતિ નથી જોઈ જ્યાં સરકાર પોતે કાયદાને લાગૂ થયા બાદ ટાળવા ઈચ્છતી હોય. આચાર્ય કહે છે કે કાયદા પર હાલમાં પ્રતિબંધ મુકવાનો અધિકાર ફક્ત સુપ્રીમ કોર્ટની પાસે છે ન કે સરકાર પાસે. સરકાર આ કાયદાને પાછો સંસદમાં લઈ જઈ શકે છે. જ્યાં તેમાં સંસોધન અથવા તેને રદ્દ કરવા પર નિર્ણય લેવામાં આવી શકે છે.